Tenta Ultrapassa, Tiru Kuak Roda Karreta ! Ekipa Konjunta Prende Bebidas Kaixa 106

Imajem : Ekipa konjunta prende sasan iha Ermera, 08/10/2025. Foto : Média PNTL Ermera

SAP News TL, Ermera : Komandante Polícia Nasional Timor-Leste (PNTL), Munisípiu Ermera Superintendente Polícia Ludgerio Picancio Madeira Lay orienta ekipa konjunta halo pasa revista hodi prende bebidas hamutuk kaixa 106.

Bazeandu ordem ba Seksaun Tránzito Seguransa Rodaviário hamutuk ho F-FDTL Posto Gleno halo pasa revista ba transporte públiku ne’ebé halo sirkulasaun husi Munisípiu Ermera ba Dili no Dili ba Ermera, durante 24 oras, Iha Suco Tokoluli, Postu Administrativu Railako, Munisípiu Ermera.

Tuir publikasaun hosi PNTL Ermera ne’ebé Mídia Sapnews haktuir, iha 5 : 20 OTL, veíkulu ho xapa matríkula B: 17-206 TLS, mai husi diresaun Ermera atu ba Dili, hetan kontrola husi operasaun konjunta hodi hapara karreta refere maibe la konsege hapara tamba kareta ne’e lapara no ultrapasa.

Nune`e ekipa hetan orientasaun husi Komandante Munisipiu hodi tuir karreta refere, “momentu ne’e kedas forsa konjunta F-FDTL ho PNTL buka tuir kedas motorista tamba lakoopera tuir lei ne’ebe iha”.

Durante halo intervensaun, “forsa konjunta foti medida hodi tiru karreta nia roda rahun iha parte liman los husi xofer nian. Karreta ne’e agora daudaun lori mai iha Komando Munisipiu hodi halo tuir prosesu legal”.

“Karreta refere tula minuman ho total 106 kaixa, sprite 50 kaixa, Cocacola 28 kaixa, 3 You Sei 28 Kaixa”. Sita pajina ofisial PNTL Ermera, iha Ermera, 08/10/2025

Na’in ba sasan ho naran inisial JdA no

Motorista ho naran inisial BG hela iha munisípiu Dili, oras ne’e hetan ona investigasaun hosi parte PNTL hodi prosesa tuir lei ne’ebé vigora iha Timor-Leste. Enkuantu, sasan no karreta refere entrega ona ba Seksaun Investigasaun Munisipiu Ermera hodi kontinua Prosesa tuir Lei.