Terorista Atake Iha Síria, Rezulta Ema Na’in 22 Mate & 63 Hetan Kanek

Imajem : Igreja Ortodoksa Gregu St. Elias iha Damasku, Síria, 22/06/2025. Foto : Hellonic Heroes

SAPNewsTL, Síria : Orseik mosu akontesimentu atake suisidu no atentadu ida iha Síria resulta ema na’in 22 lakon vida no na’in 63 sofre kanek iha Igreja Damascus, Síria.

Marciana da Conceição – SAPNews / Fontes – Hellonic Heroes & Greek Truth News

Tuir informasaun ne’ebe SAPNews asesu hosi sidadaun Syria, Greek Truth News ne’ebe to’o lokal akontesimentu sita katak akontesimentu ne’e mosu iha Syria hodi rezulta ema na’in 22 mate no 63 hetan kanek.

“Ema adoradór na’in 22 mate no na’in 63 hetan kanek iha atentadu bomba suisida ida iha igreja kristaun ida iha Síria”.

“Bombardeiru tiru bainhira sarani Ortodokso sira reza hela iha Igreja Mar Elias nia laran, iha bairu Dweila, Damasku, molok halo nakfera nia kolete (ISIS)”. Sita Greek Truth News iha Syria, 22/06/2025

Orseik, iha Igreja Ortodoksa Gregu St. Elias iha Damasku, Síria, bombista suisida jihadista ida ne’ebé uza sintu esplozivu ida tama iha parókia durante Liturjia Divina, tiru hasoru sarani sira, hafoin ne’e halo detonasaun ba nia-an rasik hodi oho inosente na’in 22 no barak sofre kanek.

“Ami denúnsia buat aat ida ne’ebé iha abut iha estremizmu islámiku radikál, ne’ebé buka atu halakon fiar-na’in sira. Ami bolu ema hotu-hotu ho vontade di’ak atu hamriik hasoru ódiu hanesan ne’e”.

“Mai ita reza maka’as ba vítima sira, sira nia família, no maun-alin sarani sira Síria nian ne’ebé hetan persegisaun”.

Iha sorin seluk, Pajina Facebook Hellenic Heroes mos informa katak akontesimentu terror refere kona ema fiar-na’in sira, situasaun ne’e halo sarani Ortodoksu sira iha mundu sente tristeza no laran susar.

“Ohin, trajédia kona mundu sarani ortodoksu nia fuan, adoradór sira halibur iha Domingu ne’e iha Igreja Ortodoksa Gregu Mar Elias nia laran iha periferia Damasku nian, bombista suisida ida asalta santuáriu sagradu”. Sita Hellen Heroes

Terrorista ne’e tiru ba sarani sira, mane, feto, to’o labarik sira, molok halo nakfera nia kolete esplozivu durante orasaun iha igreja laran.

“Pelumenus ema inosente na’in 22 maka mate ohin. Liu 63 tan hetan kanek. Sasin sira hatete katak balun hosi sira ne’ebé mate maka labarik sira ne’ebé mai reza”. Nia sublinha

Atake ida-ne’e maka dahuluk hasoru igreja Síria nian iha tinan barak nia laran hodi harahun sira ne’ebé frajil.

Hellenic Heroes sita mos katak “trajédia ida-ne’e la’ós Síria nia todan mesak. Ida-ne’e maka todan ba sarani ortodoksu sira hotu husi Grésia ba Rúsia, Sérvia ba Ejiptu, ita-nia maun-alin ortodoksu sira ohin loron hamriik nu’udar lian ida, fiar ida de’it, família ida de’it”.

“Ami lutu hamutuk ho Síria no ami nia família ortodoksa. Ami triste hamutuk ho família sira no ita sei la haluha”.

Akontesimentu ne’e rezulta infra-estruturas no sasan sagradu sira iha igreja laran rahun inklui estátua, imagem, meza, kadeira, livru, hena no seluk tan.