TL & ADB Sei Avansa Infraestrutura Sustentável & Transformasaun Dijitál
Imajem : MTL Miguel Manetelu hamutuk ho Vise Presidente ADB Scott Morris iha Kuartél Jerál ADB Manila, 24/06/2026. Foto : Média MTK
SAPNewsTL, Filipina : MTK Miguel Manetelu deklara Asian Development Bank (ADB) no Timor-Leste kontinua haforsa kooperasaun estratéjiku kona-ba desenvolvimentu infra-estruturas sustentável no dijitalizasaun.
Ermelinda Soares – SAPNewsTL
“Hasoru malu ho Vise Prezidente ADB, Scott Morris iha kuartél jerál ADB, iha enkontru ne’e Governu Timor-Leste liu hosi MTK hasoru malu ho Vise Prezidente ADB Scott Morris, parseria ne’ebé dura entre MTK no ADB ne’ebe iha kompromisu atu avansa infraestrutura sustentável no transformasaun dijitál” Dehan Ministru Transporte Komunikasaun (MTK) Miguel Marques Gonçalves Manetelu Iha Malina, 24/06/2026.
Partisipasaun TL iha forum transformasaun dijitál Ázia pasífiku 2025 iha ADB, iha forum ne’e destaka pontus importante sira liliu djitalizasaun sai fatór determinante iha prosesu transformasaun dijitál.
Dijitalizasaun nu’udar katalizadór ba progresu Timor-Leste, vitál ba hadi’ak servisu públiku sira-nia konetividade no modernizasaun institusionál. Diskusaun estratéjiku sira foka liu ba hametin koperasaun iha infraestrutura krítiku, inklui espansaun Aeroportu Internasionál Prezidente Nicolau Lobato no projetu transporte públiku Timor-Leste.
“Inisiativa sira-ne’e hakarak hasa’e konetividade rejionál, moderniza transporte, no haburas kresimentu ekonómiku inkluzivu”.
Hafoin halo enkontru ho Vise Prezidente ADB Scott Morris, Ministru Manetelu informa Vise Prezidente ADB kongratula Timor-Leste tanba la kleur tan adere ba ASEAN.
Vise Prezidente ne’e mós apresia ba prosesu Aeroportu Internasional Prezidente Nicolau Lobato, maske la’o kleur maibe ikus mai deside duni halo alargamentu ba dezenvolvimentu aeroportu internasional Nicolau Lobato.
- Iha fulan Jullu 2025, Prezidente ADB sei mai vizita Timor-Leste hodi hametin liutan kooperasaun servisu ba futuru.