Traballador Timoroan, Guido Pinto Hakotu Iis Iha Austrália

 

 

SAPNewsTL, Dili – Notísia tristeza, Traballador Timoroan ida ho naran Guido Pinto hakotu ona nia jornada moris iha Perth, Austrália.

Tuir informasaun ne’ebe SAPNews asesu liu hosi Pajina Facebook Embassy Of Timor-Leste In Austrália haktuir traballador Guido Pinto mate iha Perth, Austrália.

Embaixada mós hato’o sentidu profunda kondolénsia ba familia matebean, Guido Pinto tanba husik hela família ba mundu seluk.

“Embaixada hato’o kondolénsia ba família matebian Guido Pinto, no mós kolegas trabalhadores ne’ebé hamutuk ho nia iha Perth, Austrália”. SAPNewsTL Screeshoot. Perth, 05/09/2024

Embaixada mós afirma katak Governu Timor-Leste sei halo esforsu no responsabiliza repatriasaun mate isin Guido Pinto husi Austrália mai nia rai moris fatin Timor-Leste hodi entrega ba família.

“Liu husi biban ida ne’e , Embaixada hato’o mós katak, Govenu Timor-Leste sei responsabiliza repatriasaun ka lori mate isin fila ba Timor-Leste no entrega ba família.”. Cita iha pajina Embassy Timor-Leste In Autrália

Embaixada mós fo agradese Timoroan hirak ne’ebé hatudu ona solidariedade ba Matebean Guido Pinto nia familia iha situasaun ne’ebe difisil no susar nia laran.

“Embaixada agradese Timor oan iha Perth nia solidariedade ba matebian Guido Pinto nia família iha tempo difísil”.

Enkuantu, Adidu Traballador Igino Ferreira, no Country Liaison Officer Dino Pereira iha ona Perth hodi trata asuntu refere.

Entretantu, Kauza husi Matebean Guido Pinto hakotu iis no bainhira mak translada Mate isin hosi Austrália mai Timor-Leste, SAPNews sei kolleta no fo sai iha tempu badak.

Jornalista : Conzita Mota & Marciana Da Conceição