Trava La Hetan ! Victor Deside Silu Ba Subida
SAPNewsTL, Bobonaru : Ohin maiz ou menuz tuku 2 loraik, mosu asidente ida karreta baku fila iha area manduki, Postu Administrativu Atabae, Munisipiu Bobonaru rezulta ema na’in haat (4) sofre kanek kmaan.
Hafoin mosu asidente ne’e, Jornalista halo komfimasaun ho kodutor Victor Amaral, kondutor ne’e haktuir karreta refere taka fila tanba nia roda ida monu sai derepente, kondutor ne’e trava maibe la konsege entaun kondutor silu ba subida hodi rezulta karreta baku fila.
“Ami ohin ba sosa sasan karreta nian, fila husi Dili mak mosu asidente ne’e, asidente ne’e mosu tanba karreta ninia roda kotuk monu sai, entaun ha’u tenta trava maibe la hetan, ikus mai ha’u silu ba subida ne’e mak halo karreta refere taka fila”.
“Ha’u deside silu ba foho ne’e, tanba se ha’u husik halai ba los, ami bele sofre kanek todan, ou ita la espera ema halai husi kraik mai ita bele soke mate, entaun ha’u foti desizaun hodi silu ba subida ne’e”. Tenik kondutor karreta, Victo Amaral ba SAPNewsTL iha area manduki-Atabae, 29/02/2024.
Tuir observasaun jornalista iha terrenu nota katak, karreta refere tula ema na’in haat, sira na’in haat la kanek todan, maibe kanek kman hotu.
Hafoin, karreta baku fila, kondutor refere informa kedas ba familia hodi lori karreta ida ba, nune’e bele dada sai karreta refere ne’ebe monu hela iha estrada klaran.
Antes ne’e, karreta refere mai husi Maliana Villa hodi tula sasan karreta no motor nian husi Dili hodi lori ba Postu Maliana mak sofre asidente ne’e.
Jornalista : Juvita Sarmento