Tristeza ! Eis Xefe Casa Militar, Saudozu Maucalo Hakotu Iis Iha Malásia
Imajem : Saudozu Antónip Soares “Maucalo”.
SAP News TL Dili : Novidade tristeza hafalun FALINTIL Forsa Defeza Timor-Leste (F-FDTL) no povu Timor-Leste tanba lakon nia Eis Xefe Casa Militár Prezidente Repúblika, Antonio Soares ‘Maucalo’, wainhira ba hala’o tratamentu iha Ospitál Internasionál Malásia.
Tuir informasaun ne’ebé SAPNews asesu, Saudozu Antonio Soares “Maucalo” ba hala’o tratamentu iha ospitál Internasionál Malásia tanba sofre moras, infeslimente la konsege kura ba nia moras ne’e tanba sofre moras grave.
Oras ne’e, Saudozu nia mate isin sei iha Malásia, enkuantu iha informasaun kona ba transladasaun Saudozu António Soares nia mate isin hosi Malásia mai nia rai moris fatin, Timor-Leste.
Fo hanoin fali katak Saudozu António Soares Maucalo sai Xefe Casa Militar, Prezidente Repúblika Demokrátika de Timor-Leste, Francisco Guterres Lu Olo iha tinan 2017-2022.
Deskansa ho hakmatek, Saudozu António Soares Maucalo, Ba hamutuk ho Maromak, la’o ho Maromak no hela ho Maromak iha nia kadunan santu.
Obrigadu barak ba dedikasaun no abnegasaun tomak ba Timor-Leste. Adeus no adeus. Até um dia.
Informasaun kompletu SAPNews sei kolleta no publika iha tempu badak.
Jornalista : Marciana Conceição
#Maucalo #FFDTL #SAPNewsTL #timorleste