Trump Aseita “Ronaldo Diak Liu Iha Istória Futebol”

Imajem : Presidente EUA Donald Trump no Cristiano Ronaldo iha White House América, 19/11/2025. Foto : A Bola

SAPNewsTL, América : Jogador Legendáriu, Cristiano Ronaldo hetan konvite ba jantar gala ida ba prínsipe saudita, Presidente EUA Donald Trump konsidera CR7 maka jogador ne’ebé diak liu iha istória futebol.

Marciana da Conceição – SAPNewsTL

Prezidente Estadus Unidus nian, Donald Trump, oferese ba prínsipe-erdeiru Arábia Saudita nian, Mohammed bin Salman, Cristiano Ronaldo sai hanesan konvidadu ida iha gala dinner refere.

Iha diskursu, Donald Trump hateten nia oan mane fanátiku tebes ba Cari Ronaldo no konsidera nia diak liu duke Leonel Messi.

“Ha’u nia oan-mane fanátiku boot ba Cristiano Ronaldo, ha’u-nia oan dehan CR7 diak liu iha tempu hotu no diak liu Messi, ha’u aseita ida ne’e”, Hateten Presidente Estados Unidos América (EUA) Donald J. Trump iha América, 19/11/2025. Sita The White House.

Donald Trump hatutan, “Ba ha’u, Cristiano Ronaldo ne’e diak liu iha istória, nia mak legendáriu iha futebol, hein katak nia sei kontente tanba ohin Cristiano Ronaldo ho ita iha ne’e”.

Prezidente Donald Trump fo agradese ba Cristiano Ronaldo no sente onradu ba Ronaldo nia presença iha Uma Mutin Amerika.

“Obrigadu ba Cristiano Ronaldo tanba iha White House, ne’e onra ida ba iha ita-boot iha ne’e”. Nia dehan

Kapitaun hosi Selesaun Nasionál no jogadór hosi Al Nassr hasai fotografia ho milionáriu sira hanesan Elon Musk na’in ba Tesla, no Presidente FIFA, Gianni Infantino ho nia noiva, Georgina Rodriguez.

Iha foto ne’e mós iha Sekretáriu Komérsiu Estadus Unidus Howard Lutnick no Prezidente Konsellu Konsultivu Estadus Unidus ba Siénsia no Teknolojia David O. Sacks iha White House.