Udan Boot Rezulta Mota Lori Karreta 2 Iha Ermera
Imajem : Mota Lori Karreta rua iha Ermera, 04/01/2025. Foto : Octaviano Sanhtos
SAPNewsTL, Ermera : Relasiona ho udan bo’ot ne’ebe akontese iha Postu Administrativu Ermera rezulta mota lori karreta truck ida no pajero ida iha area Bugasa.
Tuir informasaun ne’ebe SAPNews asesu liu hosi pajina facebook Octaviano Sanhtos haktuir katak mota lori karreta truck ida no pajero ida iha area Bugasa Postu Ermera, munisipiu Ermera.
“Mota lori karreta rua, Pajero metan ida no truck ida iha Area Bugasa, Postu Administrativu Ermera”. Hakerek Octaviano Sanhtos liu hosi nia konta Facebook iha Gleno-Ermera, 04/01/2025.
Octaviano Sanhtos mos husu ba kondutor sira atu labele tula rai-henek no fatuk iha mota laran, wainhira mosu udan boot no kalohan nakukun iha parte mota ulun.
“Hakarak informa ba karreta na’in no kondutor sira ne’ebe atu tula fatuk no rai-henek, haree udan nakukun iha parte mota ulun, labele mai mota tanba dadaun ne’e karreta rua mout iha mota no seidauk bele sai, pajero mota lori baku fila dala rua”. Nia informa
Akontesimentu ne’e la rezulta ema vitima no mate maibe fo hatene ba kondutor sira iha munisipiu Ermera no kondutor sira hotu iha territoriu nasional hodi kuidadu tama ba mota laran iha tempu udan tanba asidente ema hotu la espera.
Jornalista : John Marito
