Udan Boot Rezulta Mota Lori Karreta no Sai Aat Iha Taibesse
Imajem : Karreta ne’ebe mota lori iha Taibesse-Dili, 18/03/2025
SAPNewsTL, Díli : Relasiona ho udan boot ne’ebe akontese iha tuku 15:00 Loraik (18/03/2025) ne’e rezulta mota lori karreta pajero mutin ida iha area mota ulun entre Becusse no Taibesse.
Udan boot ne’ebe akontese ho grande intensidade iha kapital Díli durante oras tolu ne’e kontribui ba volume mota boot hodi rezulta mota lori karreta pajero ida iha Taibesse.
To’o oras ne’e, karreta ne’ebe mota lori sei nafatin iha mota laran no na’in ba karreta refere ba haree deit tanba nakonu ona ho sedimentasaun no karreta aat oan.
Durante akontesimentu komunidade sira barak ba haree maibe infelizmente labele salva tanba volume boot.
Tuir observasaun SAPNews iha terrenu nota katak udan boot ne’e rezulta inundasaun ba estrada área Bidau, Lecidere, Caicoli, Jardim 5 Maio no seluk tan.
Notísia kompletu Mídia Sapnews sei kolleta hafoin sei publika iha oras balun tuir mai.
Jornalista : Anina Martins
