UNTL Fo Posse Ba Senadu Estudantil ! Reitor : Tau Aas Nafatin Direitu Estudante Nian

SAPNewsTL, Dìli – Magnifiku Reitor UNTL João Soares Martins hamutuk ho Vise Reitora Asuntu Estudantil fo tomada de posse bá senadu emposadu tinan akademiku 2024 to’o 2026 sira husi fakuldade sanulu (10) iha UNTL.

Magnifiku Reitor João Soares Martins hateten tomada de posse bá assosiasaun akademika períodu 2024 to’o 2026, troka periodu 2022 to’o 2024, iha sira nia períodu difisil tanba enfrenta covid-19 mesmu iha limitasaun barak, maibe sira halo servisu ho diak.

Reitor UNTL ne’e fo agradese ba senadu geral 2022-2024 ho nia estrutura hotu husi fakuldade sia(9), durante nia mandatu no parabeniza estrutura foun sira ne’ebe hetan ona fiar husi estudante sira.

“Agradese ba estrutura senadu seral ho estrutura fakuldade sia ne’ebe halo kolaborativu ho estrutura diak tebes. Ba emposadu sira, nafatin kolabora ho  imi nia kolega sira atu nune’e ita bele kria ambiente ida ne’ebe mais amigável no saudável iha UNTL, atu ita hotu-hotu hamutuk hodi bele alkansa misaun universidade”.Dehan Maginifiku Reitor João Soares Martins, iha resintu UNTL, fakuldade de Direito,Sexta-feira(14/06/2024).

Reitor informa bá senadu emposadu tinan 2024-2026 atu toma responsabilidade bá knaar ne’ebe mak sira simu tanba laos aprende deit dixiplina sira maibe oinsa mak bele haree mos estudante sira iha kada fakuldade.

“Parabéns bá imi sira ne’ebe mak ohin tomada de pose, tanba imi sira bele habrani ann atu mai iha oin hodi simu responsabilidade, laos ema naran estudante tanba inan aman sira haruka imi mai atu estuda maibe bainhira imi assume kargu ida ne’e laos aprende estuda deit, maibe tenke esforsu para atu hare imi nia kolega sira, ha’u aseita estudante nia direitu tenki em cima de tudo, importante labele sai fatuk ka karreta ne’ebe ema seluk uza hodi atinji nia objetivu”nia informa

Enkuantu, reitor informa ba senadu foun sira katak husi knaar ne’ebe imi simu dala ruma imi bele lakon tempu bá estuda tanba imi tenke hare difukuldade kolega sira hasoru tanba ne’e espiritu volontarismu, espiritual ajuda ne’e importante teb-tebes, imi tenke muda ida ne’e iha imi nia fuan atu nune’e imi nia estudu no aktividade extracurriculares la’o ne’e bele lao ho diak.

Vise-Reitora bá asuntu estudantil, Ligia Tomas Coreia hateten katak sai senadu ne’e jornada ida ne’ebe laos fasil tanba enfrenta dejafiu oioin tanba ne’e tenke iha dedikasaun, fiar no kapasidade ho lideransa ne’ebe ezemplar iha parte akademika nian.

“Ohin ita hamutuk iha ne’e atu selebra renovasaun tomada de posse ba orgaun eleitu assosiasaun akademiku estudantis nian iha nível universidade Nasional Timor Lorosa’e, Hanesan momentu ne’ebe signifikativu ho responsabilidade no komprimisiu atu reforsa kresimentu no progresu instituições ne’ebe ita hotu hadomi mak UNTL, nia afirma

“Durante jornada ida ne’e laos fasil tanba enfrenta dejafiu oioin ne’ebe todan tebes ho nune’e ita hotu-hotu nia korajem no dedikasaun, fiar no kapasidade ho lideransa ne’ebe ezemplar iha parte akademika nian”Vise reitora bá asuntu estudantil Lizia Tomas Correia iha nia diskursu hanoin fo tomada de posse bá senadu emposadu sira iha resintu UNTL

Nia informa katak momentu ida ne’e ita hamutuk hodi selebra tomada de posse fo valor bá emposadu sira ho responsabilidade ne’ebe sira assume transmite tuir sira nia asaun hodi sai inspirador bá futuru lideransa ne’ebe ho karakter konstrutivu ho integridade no visaun ne’ebe luan atu promove bem estar estudante sira nian bá desenvolvimentu universidade Timor Lorosa’e nian.

“Momento ida ne’e hakarak espresa gratidão profunda bá presidente ezekutivu sesante no nia estrutura hotu ne’ebe konsege, kontribui ho boa vontade, voluntarismu bá aktividade akademika no estra kurikulares ne’ebe realiza iha UNTL durante mandatu tinan rua(2)” Nia haktuir

Vise Reitora bá asuntu estudantil ne’e fo agradese bá komisaun organizadora ho sira nia dedikasaun tomak no koordenasaun ne’ebe mak diak, pasiensia hodi konsegue realiza ho susesu, apresenta kandidatura potensial sira ho orgaun asosiasaun estudante sira liu husi ezersisiu demokratiku no ho konsiderasaun bá situasaun ativa no igualdade de géneru.

Iha fatin hanesan, Emposadu Cejar João fo agradese ba estrutura universidade, komisaun organizador liu husi assosiasaun akademika estudantil kada fakuldade tanba mobiliza no organiza eleisaun ba senadu estudantil la’o ho diak no susesu.

“Hamrik iha ne’e, lori emposadu sira hotu nia naran hakarak fo agradese ba estrutura universidade, komisaun eleisaun liu husi assosiasaun estudantil sira tanba organiza eleisaun la’o ho susesu, ami la haluha mos agradese ba estrutura senadu ne’ebe kontribui durante tinan rua, ami dejafia nafatin ita boot sira, katak mandatu mak remata maibe ispiritu atu kontribui ba UNTL seidauk remata, enkuantu sei iha estatutu hanesan estudante ativu iha UNTL”.

“Ami promete sei kontinua programa sira ne’ebe la’o durante ne’e, ami sei la sai instrumentu ba ema terseira pessoa ida nia interese, maibe ami sei defende deit interese estudante sira nian, ami sei tuir deit estatutu UNTL no regulamentu akademiku sira iha UNTL”. Hateten Emposadu Cejar João liu husi diskursu

Senadu Jeral UNTL, Cristovão de Araujo mos fo agradese ba estrutura reitoria, agradese ba senadu sesante kada fakuldade ne’ebe kolabora diak no servisu hamutuk durante tinan 2 nia laran, nia parte husu ba senadu foun sira atu kontinua defende direitu estudante sira nian katak direitu estudante sira mak aas liu buat hotu tanba senadu ne’e hili husi estudante la’os husi estrutura reitor, estrutura dekanu nein funsionariu sira.

“Agradese ba estrutura reitor nian, agradese ba senadu sesante kada fakuldade  ne’ebe kontribui no servisu hamutuk durante tinan rua,ha’u hakarak husu ba senadu foun sira katak direitu estudante nian ne’e tenki em cima de tudo, tanba ita boot sira hili husi estudante sira la’os husi estrutura reitoria ka fakuldade sira, imi tenki defende estudante sira tuir estatutu no regulamentu akademiku UNTL nian”.  Cristovão de Araujo dehan

Senadu Jeral UNTL ne’e mos fo agradese ba Midia nasional sira hotu ne’ebe durante ne’e halo kobertura ba atividade senadu estudantil periodu 2022-2024 nian, partikularmente ba media hanesan Ajensia Tatoli, RTTL, GMN, TVET, Diligente, SAPNews, Independente, Timor Post no media sira hotu ne’ebe kontribui informasaun ba publiku durante ne’e.

Enkuantu, iha ambitu serimonia tomada de posse ne’e mos universidade atribui sertifikadu ba estrutura sesante, magnifiku reitor halo lansamentu ba boletim assosiasaun akademika estudantil UNTL periodu 2022-2024 ne’ebe hakerek husi assosiasaun fakuldade engenhaia siensia no teknolojia.

Jornalista : Marcela Mery da Costa