Vise Reitora UNTL Garante Nonu Guvernu Sei Realiza Povu Nia Mehi

SAPNewsTL, Dili : Iha Âmbitu Guvernu Dasia Lideradu Primeiru Ministru Kayrala Xanana Gusmão, Ne’ebe Hahú apresenta Programa Guvernu nian iha Parlamentu Nasionàl,  Vise Reitora Asuntu Estudantil Universidade Nasionàl Timor Lorosa’e (UNTL) Lígia Tomas Correia garante Guvernu Foun ne’e sei lori bem estar komun no realiza mehi ne’ebe povu Timor Leste hein

“Ita sei iha esperansa Primeiru Ministru Kayrala Xanana Gusmão, Guvernasaun nia planu ne’ebe mak di’ak no  mehi ne’ebe di’ak sei  hetan sussesu no realiza povu nia mehi ne’ebe hein durante ne’e, liliu hadia estrada, Eletrisidade, Uma, Bee Moos no hadia ekonomia Povu nian”. Tenik Vise Reitora UNTL Dra. Lígia Tomas Correia ba SAP News TL iha Kampus Sentral UNTL, 18/07/2023

Vise Reitora ne’e hatutan, “Atu hetan governasaun ne’ebe mak diak, mehi ne’ebe mak povu durante ne’e hein hela governu nia apoiu ba sira atu hetan bem estar ida ne’ebe mak igual, Justu no moris ksolok liu tan”.Nia dehan

Líder Feto UNTL ne’e akresenta, “Nonu Governu tenki iha forsa politika ne’ebe di’ak, politika ne’ebe konstrutivu atu kontribui ba dezenvolvimentu ne’ebe bele fo benefisiu direita ba povu no povu bele sente  bem estar sosial ba sira nia moris”. Nia dehan

Entretantu, Iha Debate Orsamentu Retifikativu no Planu Guvernu ba tinan 5 Mai, Lider Ezekutivu Kayrala Xanana Gusmão haktuir, Governu sei kompromete atu haré fali ba planos de investimento iha transportes terrestres, marítimos no aéreos, ho destaque ba iniciativas tuir mai né’e :

1. Halo revisão profunda ba Código da Estrada, ho incidência ba aumento da segurança, liu husi criação aulas obrigatórias prévias ba exame de condução;

2. Hadia instalações portuárias iha Com ho Ataúro;

3. Construe instalação portuária ida iha Kairabela, Vemasse, atu facilita acesso husi tasi no fó apoio ba setor do turismo;

4. Halo estudos de viabilidade ba construção do porto iha Manatuto no ba criação linha marítima nacional ida;

5. Reestrutura no moderniza Porto de Díli, hodi transforma ba Marina da Cidade no Porto ba Cruzeiros;

6. Desenvolve Planu ba Aeroporto Internacional no hala’o ninia expansão no Desenvolve estudos de viabilidade ba aeroportos municipais no operacionaliza Aeroporto do Suai.

Iha Parte Seluk, Governante ne’e reforsa programa ne’ebe prioridade liu mak estrada sira ne’ebe mak liga ba postu administrativus no estrada rurais, alende ne’e mos sei reforsa halo investimentu iha asessu ba bee moos

“Governu deside troços de estradas prioritárias iha fases rua, no sira ne’ebe urgentes liu maka estradas ne’ebe liga ba postos administrativos no estradas rurais, atu depois ba estradas urbanas iha Ainaro, Baucau, Bobonaro, Ermera, Lautém ho Viqueque”.

“Husi sikun seluk, sei reforça investimentu iha acesso ba água potável no ba saneamentu báziku, condições sira ne’e essenciais ba saúde pública no ba qualidade de vida populações nian” Nia haktuir

Governu mós sei kontinua assegura katak população tomak hetan asesu ba eletrisidade, liu husi expansão ba Programa de Eletrificação Nacional. Kona-ba Ataúro, sei realiza estudo de viabilidade, atu bele concretiza  plano nebé sustentável ba eletrifikasaun iha ilha Ataúro.

Wainhira hetan aprovasaun, Guvernu sei implementa Plano de Investimento, Políticas no Reforma Institucional 2023-2030, atu bele kumpri objetivu nebé define ona iha Planu Estratéjiku Dezenvolvimentu (PED) no Objetivu Dezenvolvimentu Sustentável (ODS).

Jornalista: Esmeralda da Silva