PM Xanana Promete Hari’i Gabinete Rekursu Naturais Renováveis

SAPNewsTL, DILI- Iha Aprensentasaun Programa Nonu Governu Konstitusional Ba Parlamentu Nasional (PN), iha Dikursu Primeiru Ministru Kayrala Xanana Gusmão haktuir Guvernu sei estabelese Gabinete Rekurços Naturais Renováveis hodi bele halo koirdensaun iha nível intersektoral hodi implementa projetu energia renovável

“Governo ida ne’e sei estabelese Gabinete de Recursos Naturais Renováveis, ne’ebé sei coordena ninia ações iha nível intersectorial hodi Hala’o análise no estudos de viabilidade relevantes ba setor ne’e, atu sai nudar responsável ba implementação projetos de energia renovável, ho ninia gestaun, monitorizasaun no Avaliasaun”. Tenik PM Kayrala Xanana Gusmão iha PN, 18/07/2023
   
Iha âmbitu ida ne’e, Governu hakarak implementa projetos pilotu ba energia renovável, hanesan construção Centrais iha Lariguto no iha Bobonaro, ba desenvolvimento eólicono mós sei investe iha sistemas energia solar nian

Líder Nasionàl ne’e hatutan, Guvernu sei desenvolve estudo de viabilidade ba construção Central termoelétrica, iha Dili, atu produz energia, husi lixo doméstico no lixo industrial.

Entretantu, Kona Ba Projetu Fibra Ótika, Lider Nonu Guvernu Konstitusional ne’e kompromete sei konklui instalasaun Kabu Fibra Ótika hodi garante internet Kualidade iha Timor Leste

“IX Governu Komprometidu atu konklui instalação Cabo de Fibra ótica, hodi garante ligação de internet ho qualidade, ba cidadãos hotu iha país tomak”.Nia Promete
   
Lider Ezekutivu ne’e Hateten, Governu kompromete atu haré fali ba planos de investimento iha transportes terrestres, marítimos no aéreos, ho destaque ba iniciativas tuir mai né’e :

1. Halo revisão profunda ba Código da Estrada, ho incidência ba aumento da segurança, liu husi criação aulas obrigatórias prévias ba exame de condução;

2. Hadia instalações portuárias iha Com ho Ataúro;

3. Construe instalação portuária ida iha Kairabela, Vemasse, atu facilita acesso husi tasi no fó apoio ba setor do turismo;

4. Halo estudos de viabilidade ba construção do porto iha Manatuto no ba criação linha marítima nacional ida;

5. Reestrutura no moderniza Porto de Díli, hodi transforma ba Marina da Cidade no Porto ba Cruzeiros;

6. Desenvolve Planu ba Aeroporto Internacional no hala’o ninia expansão no Desenvolve estudos de viabilidade ba aeroportos municipais no operacionaliza Aeroporto do Suai.

Iha Parte Seluk, Governante ne’e reforsa programa ne’ebe prioridade liu mak estrada sira ne’ebe mak liga ba postu administrativus no estrada rurais, alende ne’e mos sei reforsa halo investimentu iha asessu ba bee moos

“Governu deside troços de estradas prioritárias iha fases rua, no sira ne’ebe urgentes liu maka estradas ne’ebe liga ba postos administrativos no estradas rurais, atu depois ba estradas urbanas iha Ainaro, Baucau, Bobonaro, Ermera, Lautém ho Viqueque”.

“Husi sikun seluk, sei reforça investimentu iha acesso ba água potável no ba saneamentu báziku, condições sira ne’e essenciais ba saúde pública no ba qualidade de vida populações nian” Nia haktuir

Governu mós sei kontinua assegura katak população tomak hetan asesu ba eletrisidade, liu husi expansão ba Programa de Eletrificação Nacional. Kona-ba Ataúro, sei realiza estudo de viabilidade, atu bele concretiza  plano nebé sustentável ba eletrifikasaun iha ilha Ataúro.

Wainhira hetan aprovasaun, Guvernu sei implementa Plano de Investimento, Políticas no Reforma Institucional 2023-2030, atu bele kumpri objetivu nebé define ona iha Planu Estratéjiku Dezenvolvimentu (PED) no Objetivu Dezenvolvimentu Sustentável (ODS).

Jornalista : Marcela Mery da Costa