Rede Feto Orgullu, 95% Feto Okupa Estrutura Meza PN
SAPNewsTL,Dili: Rede Feto Timor-Leste kongratula Prezidente Parlamentu Nasional Maria Fernanda Lay Feto dahuluk ne’ebe iha Timor Leste, lidera orgaun soberanu daruak Parlamentu Nasional
“Orgaun soberanu daruak iha Timor-Leste 95% okupa husi feto sira, ida ne’e hanesan orgullu boot ba ita tanba ne’e ami mai kongratula no hato’o ami nia hanoin sira atu bele kopera no kontinua fo apoiu ba orgaun estadu tomak hodi bele aselera prosesu dezenvolvimentu.” dehan Prezidente Rede Feto Timor-Leste Zelia Fernandes ba jornalista sira iha uma fukun Parlamentu Nasional segunda (17/07/2023).
Prezidente ne’e hatutan, audensia ho Prezidente Parlamentu Nasional para oinsa ba futuru bele iha servisu hamutuk hodi bele trata sira nia asuntu sira ne’e direitamente ho komisaun espesializada estabelese ona iha Parlamentu Nasional
Nia haforsa tan, laos submisaun jeral deit maibe iha mos submisaun espesifiku ba asuntu espesifiku sira ida ne’e mak sira trata no Ko’alia ho Prezidente Parlamentu Nasional
Aleinde ida ne’e, sira entrega mos plataforma asaun feto Timor-Leste nian nu’udar dokumentu politiku feto Timor leste nia produz iha kongresu nasional feto Timor-Leste nian kada tinan haat
“Ami mos informa ba Prezidente Parlamentu Nasional kona ba kongresu nasional feto Timor Leste ba dala VI ne’ebe sei halo iha tinan oin mai maka sei atualiza politika feto Timor-Leste nian”.
Lider Rede feto informa tan, bainhira ko’alia kona ba asuntu igualdade jeneru luta ba direitu feto ninnian sira sei la hare ba kor ka grupu maibe luta nu’udar luta konjunta ida ne’ebe feto hotu tenki hamutuk atu bele atinji igualidade jeneru no inkluzaun sosial
“Asaun sira ne’ebe mak fo vantajen ba iha Rede Feto Timor-Leste, maluk vulneravel no difisensia sira kontinua fo liman ba malu atu bele hadia di’ak liu tan liu-liu kontinua reforsa no habelar sosializasaun hamutuk ho sira nia membru sira”. Nia dehan
“Serbisu iha area oioin atu nune’e feto sira preparadu hasoru situasaun saida de’it maski loron ba loron kazu violensia hasoru feto ho labarik feto, violensia bazeia ba jeneru no violensia domestika numeru ne’e sa’e”.
Rede Feto mos husu ba feto hotu hotu bainhira hasoru violensia ruma bele hato’o ba autoridade kompetente atu bele foti asaun hasoru aktu mak la fo vantazen ba feto maluk sira.
Reportazen: Lidia Amaral & Zenoveva Lopes