𝗘𝘇𝗲𝗸𝘂𝘀𝗮𝘂𝗻 𝗔𝗹𝗸𝗮𝗻𝘀𝗮 𝟴𝟮,𝟯℅ ! 𝗦𝗘𝗞𝗼𝗺𝗦 𝗣𝗿𝗲𝘃𝗲 𝗨𝗦𝗗 𝟱,𝟱𝟵𝟰,𝟰𝟱𝟰.𝟬𝟬 𝗕𝗮 𝟮𝟬𝟮𝟲

Imajem : SEKomS Expedito Loro Dias Ximenes iha PN, 20/10/2025. Foto : Média SEKomS

SAP News, Dili : Sekretáriu Estadu ba Komunikasaun Sosiál (SEKomS) Expedito Loro Dias Ximenes marka audiênsia ho Komisaun G-Parlamentu Nasionál trata asuntus Edukasaun, Juventude, Kultura no Sidadania hodi apresenta progresu ezekusaun (82,3℅) no osan ba SEKomS tinan 2026 hamutuk USD 5,594,454.00.

𝐄𝐫𝐦𝐞𝐥𝐢𝐧𝐝𝐚 𝐒𝐨𝐚𝐫𝐞𝐬 – Mídia Sapnews

Durante audiênsia ho deputadu Komisaun G Parlamentu Nasionál ne’e diksute Proposta Orsamentu Sekretaria Estadu Komunikasaun Sosiál nian ba tinan 2026 no atualiza progresu ezekusaun orsamentu tinan 2025 nian.

“SEKomS apresenta progresu ezekusaun orsamentu SEKomS ba tinan 2025 nia dadaun ne’e atinje ona 82,3% husi orsamentu ho alokasaun montante USD 6,038,535.00 iha tinan 2025”. Sita Média SEKomS Expedito Dias Ximenes. Dili, 20/10/2025

Ba tinan 2026, proposta orsamentu SEKomS ho montante USD 5,594,454.00, alokasaun ba kategoria Salarios e Vencimentos 12,31%, ho valor nominál USD 1,192,138.00, Bens e Serviços Correntes 13,87% ho valor nominal USD 775,876.00, Transferencias Públicas 52,76% ho valor nominál USD 2,951,440.00, no Capital Desenvolvimento 12,07% ho valor nominal USD 675,000.00.

Orsamentu ne’ebé SEKOMS propoin ona ba tinan 2026 ho montante USD 5,594,454.00, hodi finansia programa prioridade SEKOMS nian mak hanesan ;

1. Programa Funcionamento e Desenvolvimento Institucional , Alokasaun orsamentu ho montante USD 955,996.00 ka 17% hosi totál orsamentu SEKOMS nian ba tinan 2026.
2. Programa Desenvolvimento do Setor da Comunicação Social, Alokasaun orsamentu ho montante USD 4,452,858.00 ka 80% hosi totál orsamentu SEKOMS nian ba tinan 2026.
3. Programa Desenvolver um Sistema de Comunicação Instituicional : Alokasaun orsamentu ho montante USD 185,600.00 ka 3% hosi totál orsamentu SEKOMS nian ba tinan 2026.

Durante sorumutu SEKOMS hetan apresiasaun servisu husi deputadu sira komisaun G ba progresu ejekusaun orsamantu ba tinan 2025 ne’ebe atinji ona 82,3 % ho rezultadu programa husi area sira hanesan kapasitasaun ba jornalista sira, instalasaun radio komunidade foun iha Timor-Leste, jornal parede dijital ne’ebe dadaun ne’e lansa ona iha eskola sira, suku dijital no sel seluk tan.

Nune’e mos Deputadu sira husu atu SEKOMS tau nafatin atensaun kualidade produtu jornalismu no kombate desinformasaun ou fake news ne’ebe dadaun ne’e la’o iha Timor-leste.

Marka prezensa iha audensia ne’e membru deputadu sira husi komisaun G, Prezidente Tatoli I.P, Prezidenti RTTL, E.P, Diretor Ezekutivu Konselhu Imprensa, Diretor Jeral no ekipa tekniku sira sira husi SEKOMS.