𝗟𝗼𝗿𝗶 𝗦𝗼𝗳𝗶𝗮 𝗕𝗮 𝗛𝗮𝘀𝗼𝗿𝘂 𝗣𝗮𝗽𝗮 ! 𝗣𝗥 𝗛𝗼𝗿𝘁𝗮 : “𝗘𝗺𝗮 𝗛𝗼𝘁𝘂 𝗜𝗴𝘂𝗮𝗹, 𝗠𝗼𝗿𝗶𝘀 𝗛𝗼 𝗗𝗶𝗴𝗻𝗶𝗱𝗮𝗱𝗲”.

Imajem : Inan Feton Sofia tanis iha Palásiu Presidensial Aitarak-Laran, 24/11/2025.

SAP News TL, Díli: Hafoin vizita estadu ba Vatikanuhasoru Papa Leão XIV, Presidente Republika(PR) Jose Ramos Horta hateten ema hotu hanesan la haree ba kiik no kiak, ema hotu tenki moris no mate ho dignidade.

Xefe Estadu ne’e haktuir vizita estadu ne’e apresenta nu’udar estadu ida 99% katóliku no situasaun iha Timor-Leste.

“Hasoru ho Amu Papa minutu 30, ha’u ko’alia kona-ba situasaun Timor-Leste ne’ebe mak Amu Papa hatene ona, no hatene diak liu tan tanba Santa Sé sira-nia informasaun 100 kompletu”. Informa Presidente Repúblika José Ramos Horta iha Palásiu Presidente Nicolau Lobato, 24/11/2025.

PR salienta durante enkontru nia ko’alia situasaun ne’ebe mak akontese iha nasaun sira hanesan Gaza, Palestina, Myanmar, Yemem no Sudaun ne’ebe enfrenta konflitu.

“Ami ko’alia kona ba situasaun internasional, situasaun iha Gaza, Palestina, Yemem, Myanmar no Sudaun” Nia informa

Vizita estadu ba Vatikanu ne’e Presidente Republika konvida vendedora Sofia nu’udar inan ida ne’ebe moris simples hodi hasoru Amu Papa Leão XIV.

“Ha’u konvida Ama Sofia akompanha nu’udar konvidada de onra ba hasoru Amu Papa iha Roma. Nia nu’udar inan ida ne’ebe moris simples, susar los no kiak, ne’e atu hatudu katak ema kiik no kiak mós Iha dignidade, nia estatutu ofisial mak nia ema no ema hotu hanesan, nia tenki moris ho dignidade no mate ho dignidade”. Nia konklui

Iha fatin hanesan, Inan Feto Sofia deklara nia parte sente onradu no orgulhosa tanba Presidente Repúblika bele lori nia to’o Vatikanu hasoru Papa Leão XIV.

Inan feton Sofia hetan tara tais hosi Vise Primeiru Ministru Mariano Assanami Sabino no simu aifunan hosi madre sira, tuir mai, nia hamonu matan-ween hodi dehan, “Ha’u sente kontente no agradese tanba bele lori ha’u ba hasoru Amu Papa”. Nia dehan

Imajem : Presidente Repúblika hasoru Papa Leão XIV

Sorumutu ne’ebe hala’o iha 21 Novembru 2025, Santu Padre Leão XIV ho Presidente República Timor-Leste José Ramos Horta aborda relasaun entre Santa Sé ho Timor-Leste no kontribuisaun igreja katólika nian ba timoroan sira.

Durante konversa, tuir komunikadu hosi Sante Sé katak enkontru ne’e “destaka relasaun di’ak sira entre Santa Sé ho Timór-Leste no kontribuisaun hosi Igreja Katólika ne’ebe a favor ba sosiedade timoroan. Liután, aborda aspetu balun hosi situasaun ekonómika no sosiál nasaun nian”. Sita Vatikan News iha Vatikanu, 21/11/2025.

Iha konversa ne’e, parte rua troka mós opiniaun sira kona-ba “situasaun rejionál no ko’alia kona-ba adezaun resente hosi Timór-Leste ba Asosiasaun Nasaun sira Sudeste Aziátiku nian (ASEAN)”.