Trophy World Cup Vizita TL, Lori Esperansa no Fanun Timor Oan Prepara An

SAPNewsTL, 11 Junho 2022 : Futabolista Legendaris Christian Lali Carambeu akompanha Trophy Copa Mundial mai vizita Timor-Leste, simu husi SEJD ho Prezidenti FFTL iha Aeroportu Internasional Nicolau Lobatu to’o mai Plasiu Presidente Aitarak-laran no Estadiun Nasionál Dili Durante Oras neen

Prezidente Assalam Ipolitu Soares  senti orgulhu no agradece ba FIFA no AFC tanba Copa Mundial ne’e bele mai to’o iha ita nia Nasaun Timor-Leste

“Ita nia jogadores sira hodi bele treinu makaas karik iha futuru ita nia jogadores sira bele tama ba partisipa iha Copa Mundial ida ne’e” dehan Prezidenti Assalam Ipolitu Soares  ba jornalista sira iha Estadiun Dili(11/06).

Benefisiu husi vizita Trophy ida ne’e hodi anima povu Timor-Leste, Maski ita nunka passa iha ne’eba maibe ema lha mundo futebol mos bele senti katak sira mos importante, hanesan nasaun ida,  Timot-Leste orgulhu ba ida ne’e.

“Ita mos bele senti hodi mehi aas i ema mos konsidera katak ita Timor mos iha jogadores ne’ebe mak barak tebes maski ita nia esforsu seidauk to’o iha neeba i Trophy Copa Mundial ne’e mai iha Timor hodi halo ita nia jogadores sira iha mehi ne’ebe mak ass liu tan hodi treinu no bele partisipa iha Copa Mundial״. Nia informa

Nia hatutan, Timor-Leste seidauk iha infraestrutura ne’ebe mak sufisiente para bele treinu i hanesan mos kampu maibe dadauk ne’e iha ona esforsu barak husi governu no mos federasaun dadauk ne’e kampu futebol iha Lecidere ho Becora komesa halo

Iha fatin hanesan, jogadora Ausiliadora Ximenes Fernandes senti kontenti no orgulhu tebes bele haree diretamente Trophy Copa Mundial mai iha TL hamutuk ho jogador Legendaris Christian Lali Carambeu ne’ebe mai mai vizita rai Timor.

ʺDurante ne’e asiste deit husi Televisaun maibe ohin loron ha’u bele mai hodi haree rasik Trophy Copa Mundial iha ita nia Kampu Nasional hamutuk ho jogadores legendaris husi nasaun Franca, i hanesan mos jogador ida ha’u kontinua treinu nafatin hodi mehi ne’ebe hau iha bele atinje״. Nia afirma

Enkuantu iha Vizita Trophy World Cup ida ne’e simu direitamentu husi Presidente da Repúblika Demokrátika de Timor Leste, Ministru MAPCOMS, SEJD, FFTL no Timor Oan sira husi Airoportu Internasional Comoru, Mai Iha Palasiu Presidente Aitarak-Laran no kontinua ba Vizita Estadio Nasional Timor-Leste akompanha husi jogador Legendaris Christian Lali Carambeu, Durante oras neen, hafoin fila hikas husi Timor-Leste

Jornalista   :  Lidia Amaral