Futuru Iha Joven Nia Liman, Knua Obra Kayrala Xanana Produz Formandu 62
DILI-Centru Formasaun Knua Obra Kayrala Xanana Hala’o serimonia Distribuisaun Certifikadu Etapa Primeiru ba etudante sira hamutuk ne’en nulu resin rua(62), Ho tema Futuru Nasaun ida ne’e iha imi Joventude sira nia liman, husu juventude Timor-Leste prepara an ba.
Tuir Diretor Sentru Formasaun Knua Obra Kayrala Xanana, Guilermi da Costa hateten Nia sente Orguilho tamba primeira vez Sentru Formasaun ida ne’e hala’o distribuisaun sertifikadu ba primeru etapa.
“Iha sentru formasaun ne’e iha area Lima mak hanesan Lian Ingles, Portugues,Japaun Coreia no Administrasaun,Iha Sentru formasaun Knua Obra Kairala Xanan Ganrante qualidade maske ho tempu limitadu”, Dehan Guilermi ba jornalista sira iha fatin Sede CNRT Bairro Dos Grilhos Dili, Sabado (11/06)
Director ne’e hatutan tan Sertifikadu sira ne’e fo deit ba sira ne’ebe mak hatene no komprende duni,Agora Sentru Formasaun Knua Obra Kayrala Xanana fo ona formasaun ba Segundu Etapa nian.
“Kona ba Lian Corea nian ami sei halo karta ba Sekretariadu Formasaun Profisiaonal e Emprego(SEFOPE) atu hodi hetan rekoinesementu iha sentru formasaun ne’e rasik, No formador sira ne’ebe hanorin iha ne’e hamutuk nain Sanulu Resin Tolu(13) Lian Ingles Ha’at, Portugues Tolu, Japaun Rua, Coreia Tolu, Administrasaun ida” Nia hatutan.
Iha fatin hanesan Formandu Fevriana Laura dos Santos hateten agradese ba buat hotu liuliu ba formador sira tamba sira fo potensial tebes no sira hatudu duni sira nia profisionalismu liu husi motiva sira no ajuda maske sira hasoru difikuldade barak no dezafiu oioin durante sira nia prosesu kursu nian.
“Ha’u Agradese tebes durante esforsu durante fulan tolu la saugati no ha’u aprende buat barak iha sentru ne’e rasik, Matenek ne’ebe iha sei la husik le’et deit iha ha’u nian an maibe sei fahe tutan ba ema sira ne’ebe presija”.Nia Hakotu
Entertantu iha serimonia ne’e hetan partisipa husi Estrutura Nasionál Partidu CNRT, Sekretario Geral Kalbuady Lay, inan aman Formandu sira hotu no Formador sira hotu
JORNALISTA: Justino De Jesus Soriano
EDITOR:Aquelina da Conseiçao Magalhaês