KI No UNDP Lansa Matadalan Ba Jornalista, Virgilio Husu Média Halo Advokasia
SAPNewsTL, DILI : Koselhu Imprensa (KI) koopera ho United Nations Development Programme (UNDP) Timor-Leste iha projetu inisiativa ba eliminasaun violencia kontra feto no labarik feto sira inklui lansamentu Matadalan Reportajen Kona Ba Violéncia Bazeia Ba Jeneru.
Prezidente KI Virgilio da Silva Guteres hateten lansamentu manual matadalan ba Reportagem Jornalista kontra Violéncia Bazeia Ba Jeneru ne’e hodi kontribui ba advokasia kona ba eliminasaun violéncia kontra feto no labarik feto sira iha Timor-Leste
ʺOhin halo lansamentu ba manual ba Jornalista sira, iha manual ne’e mos iha liafuan barak mak husi Konsellu Imprensa tau hotu iha manual ne’e hodi kontribui ba advokasia, dalaruma iha passadu jornalista sira minimiza fali ita nia vitima abuju sexsual, Peskizador sira foti hanesan referencia atu hateten katak iha tempo passadu ita nia media sira mosu ho titulo sira ne’ebe mak minimiza halo ita nia vitima sira sai objetu ba atrasaun atu ema nia konsumidor sira bele hola sira nia produto i ema bele lee sira nia noticia״. Tenik Presidente KI Virgilio da Silva Guteres iha Novu Turizmu Dili, 13/06/2022
Objetivu husi manual ida ne’e atu bele hatudu ba jornalista sira hahu redus no bele halakon maneira reportajem sira ne’ebe minimiza vitima sira no ida ne’e la’os jornalista sira nia sala maibe sala husi kultura patriakal nian ne’ebe influensia mos jornalista sira balu
“Husi redasaun ba to’o iha reporter sira ne’ebe iha kampu dalaruma sira ba ho hanoin ne’ebe mak la hanesan ho ida ne’e mak hanoin sira ne’e mosu, ho manual ida ne’e mosu hodi fo kontribuisaun ba kolega jornalista sira hahu agora ba oin lee hodi bele hatene ona saida mak identidade Jeneru, saida mak orientasaun seksual, saida mak LGBTI no transjeneru,”nia informa
nia afirma Media komunikasaun social sai hanesan fator determinante ida ne’ebe mak iha transformasaun sociedade nian no jornalista sai hanesan autor nia tenki intende assuntu sira ne’ebe mak nia atu ba halo kobertura i media sira nia responsabilidade laos atu destroi deit i laos atu hatudu ba publiku katak jornalista mos advokasia ba justisa social
“Jornalista nia referencia mak ba hodi husu ba padre no madre sira hodi fo opiniaun, dala barak opiniaun sira husi Madre ho Padre sira ne’e barak liu mak moralista i ikus mai ita minimiza inan feto sira ho liafuan sira ne’e mak sei hanesan ita nia reportajem, atu evita tiha jornalista sira sai hanesan juiz ba vitima no ba ema seluk״. Virgilio Fundamenta
Iha fatin hanesan Embaisador Uniaun Europeia (UE) Andrew Jacobs hateten dalaruma iha passadu jornalismu resepsiona vitima sira iha violencia sexsual no violencia bazeia ba jeneru sira, dalaruma mos iha assuntu sensitivu sira autor sai hanesan exemplu ida konaba istoria sira ne’ebe mak husi media sira
“Jornalista iha knaar atu informa ba rona nain sira no lee nain sira hodi hatene konaba violencia sexsual no violencia bazeia ba jeneru nia efeito, apoio mos parte ida ho asaun nasional integradu, UE sei servisu hodi hatan ba dezafius hospikultural iha setor sira, komunikasaun social no atu promove ambiente media komunikasaun sosial״. Hatete Andrew Jacobs
Nia Konsidera Konsellu Imprensa nudar autor save ba demokrasia ida ne’ebe mak forte tanba ne’e mak UE iha komprimisiu fo apoio ba konsellu imprensa iha Timor-Leste no bainhira possivel TL partisipa iha instrumentu oi-oin ne’ebe relevante ba violencia sexsual no violencia bazeia ba jeneru.
“Spotlight iha inisiativa hetan finansiamentu husi UE nu’udar esforsu bo’ot iha mundu atu hapara violencia hasoru feto no labarik feto, sira ninia objetivu mak atu garantia lejislasaun no politika ne’ebe mak diak”Hakotu nia.
Jornalista : Lidia Amaral
Editora : Vitoriana Brites