Fundasaun Assa Produz Graduadu 114 Iha Lian Inglesh, Diretor Ezekutivu HNGV Kongratula

SAPNewsTL, Dili : Fundasaun Assa Produz Graduadu 114 iha Kursu Lian English For Health Medical Proficionál, Enkuantu, Diretor Executivu Hospital Nacional Guido Valadares (HNGV) Sr. Humbertu Gama Congratula formandu sira ne’ebe atende kursu durante fulan tolu to’o simu sertifikadu

Tuir Director Executivu  Fundasaun ASSA Sr. Bendito Soares hateten sei halo koperasaun Servisu entre Fundasaun ASSA ho Ospital Nacional Guido Valadares hodi reforsa Formasaun rekursus humanus ba HNGV.

“Formasaun ne’e foku liu ba iha English Basic no English Pre-intermediariu, formasaun ne’e Gradua ba dala tolu ona, Tanba ami haree ba iha Formando sira nia  kapasidade, entaun ami labele fo liu kapasidade ne’ebe aas liu doke nia Nivel seidauk to’o ba profisional, entaun ami tenki fo etapa por etapa to’o sira ba iha profisional Saude nian, Tanba dadaun ne’e Estudante sira maka hetan ona Formasaun Profisionál, no estaf husi HNGV ne’e sira mos etapa por etapa maka sira foin to’o ba iha Nivel Profisional”  Dehan Bendito Soares ba Jornalista Sira iha Salaun  Ospital Nacionál Guido Valadares Kinta.23/06/2022.

Director Fundasaun ASSA hatutan Fundasaun ASSA ne’e hanesan fundasaun legal ne’ebe Regista iha Ministério Justiça no iha koperasaun diak ho SEFOPE

“Dadaun ne’e ami mos halo koperasaun servisu ho Sekretariu Estadu Formasaun Profisional no Empregu (SEFOPE), nu’udar Timor Oan ita tenki Orgullu no investe diak liu tan, Nune’e ita mos bele hatudu katak Timor Oan mos bele, oinsa halo Mudansa ba iha Rekursus humanus iha Timor-Leste”.

Entretantu, Director Ezecutive Fundasaun ASSA Husu ba Graduadu sira tenki kontinua estuda liliu tenki pratika mos ba iha servisu fatin nune’e kuñesimentu ingles ne’e labele tun no kontinua ba oin Nafatin

Iha sorin seluk, Formandu Ana Joanata Gusmão senti Kontenti no apresia teb-tebes tanba nia bele aprende ona lian inglesh iha Fundasaun ASSA

“Ha’u senti kontenti no apresia teb-tebes tanba ha’u bele aprende ona lingua ingleza liuliu iha area Medical ninian, ami nia kursus ida ne’e durante fulan tolu(3) hahu husi Fevereiru to’o Abril iha Nivel intermediu, no ha’u sei desenvolve liu tan ha’u nia Lingua liliu iha area Profisional Saúde nian iha Departamentu Parteira”.

Enkuantu, Formasaun ne’e nakloke ba timor oan hotu atu bele aprende liliu estudante universitáriu sira hanesan UNTL, UNDIL, UNITAL, ICS, DIT inklui Universidade sira seluk

Repotagem : Pascuela Da Conceicão & Aquelina Magalhaes

Editor     :  Antonina Lopes da Silva