Durante Semana 1 ! Komunidade 323 Sofre Dezastre Naturais
Imajem : Porta Voz xefe relasaun external Nelson Nunes Orleans, hala’o konferensia imprensa, iha salaun APC segunda-feira(03/06/2024).
SAPNews TL, Dìli – Autoridade Protesaun Civil(sigla portugues APC), regista familia afetadu ba dezastre ho numeru 323 iha Timor-Leste durante durante senama ida(1)
Tuir porta voz Xefe Relasaun External Nelson Nunes informa katak hahu husi loron 27 Maiu fulan junhu tinan 2024, iha rejiaun Timor-Leste akontese tipu dezastre maka CNOPC- APC rejistu Uma kain 225, ho total numeru familia afeitadus 323.
Dadus afetadu ba dezastre ne’e mai husi munispiu Ainaro, Baucau, Covalima, Manufahi, Viqueque inklui RAEOA. Nune’e komandu APC munisipiu ho parseiru relavante fornese asistensia emerjensia ba familia afetadus sira mak hanesan Ai-han no nesesidade basiku sira(food item & non-food item).
“Munisipiu Ainaro (Anin sobu uma ida(1)), munisipiu Baucau (konflitus sosial estragus Uma 13), municipiu Covalima (Be’e sae estragus Uma kain 171), munisipiu Manufahi (Be’e sae estragus uma kain 36), municipiu Viqueque (Anin sobu uma ida(1) no ahi han uma ida (1), ) RAEOA( anin sobu uma rua (2) no ahi han uma ida.” Dehan porta Voz xefe relasaun external Nelson Nunes Orleans, ba jornalista sira liu husi konferensia imprensa, segunda-feira(03/06/2024).
Xefe relasaun ne’e haktuir katak komandu operasional Autoridade Protecao civil (APC) munisipiu sira sei kontinua halo hela levantamentu detallu kona-ba sasan ne’ebe estragus no lakon.
Enkuantu, husi Janeiru to’o Juñu vitima husi dezastre ne’e rejistu rihun ida resin, maibe atu akresenta deit katak husi Janeiru to’o Juñu tinan 2024 husi APC halo ona rekuperasaun ba munisipiu ha’at(4) hanesan Ermera, Manufahi, Lospalos no Ainaro.
Nia hateten katak maske APC seidauk iha ruma despaisu husi parte Sekretáriu Estadu Asuntu Toponomia Organizasaun Urbana (SEATOU), no husi Prezidente Munisipiu Díli nian, hodi servisu hamutuk ho APC maibe sira prontu atu halo servisu ba apoiu komunidade.
“Autoridade Protesaun Civil, bazeia ba despaixu husi Sekretáriu Estadu Protesaun sivil, ami prontu nafatin atu servisu hamutuk ho SEATOU ba sira ne’ebé sai vitima husi eviksaun liu-liu iha kapital Díli” nia informa
Autoridade Proteção Civil nia servisu halai liu ba dezastre naturais, sira mos hakarak apoiu komunidade sira ne’ebe hetan eviksaun bainhira parte SEATOU ho Prezidente Autoridade Díli iha koperasaun entre Autoridade Protesaun Civil sira prontu atu halo kolaborasaun hodi servisu hamutuk.
Jornalista : Dircia Baptista Belo