Rejistu Misa Tasi-Tolu, Kontinua To’o 31 Agustu, Idade -14 & 60+ Bele Bá

Imajem : Sua Santidade Papa Francisco

SAPNewsTL, Dili – Relasiona ho vizita apostólika Sua Santidade Papa Francisco mai Timor-Leste no selebra misa boot iha Tasi-Tolu, Padre Mouzinho pereira Loped informa rejistrasaun ba partisipasaun misa sei la’o to’o loron 31 fulan Agustu.

Ema barak iha perguntas duvidosa oi-oin, seolah-olah ita la iha Centro de informações kona-ba visita ne’e. Ha’u haré sasán sira bele complica quando serviço hamutuk ho governo. Como laos ema hotu acesso ba informação oficial iha Lecidere ka iha Motael, ha’u  koko exclarece tuir buat nebé ha’u hatene hosi reunião sira inclui ho CET, atu povo sarani la hato’o fali info falço oi-oin, mai hosi ema sira nebé irresponsavel.

1. Rejistu (Tau-naran).

A. Tempo tau-naran mak iha Fulan Agosto tomak (to’o dia 31, 2024).

B. Objetivo tau-naran ka inscrição iha paróquia la’os atu limita ema maibé atu facilita ema tama tuir fatin preparado ba cada município. Fatin sira ne’e sei tau pembatas (lutu besi) atu ema labele hakat ka haksoit liu.

C. Criteria tau-naran ne’e simples deit, basta lori qualquer documento (ou cartão eleitoral, ou certidão batismo, ou passaporte, ou BI) hodi bele regista naran. La precisa lori hotu documento sira. Lori ida de’it to’o ona. Favor pessoa oficial nebé hola knaar tau-naran ne’e lalika halo azinheiras fali.

D. Ba sira nebé la bá tau-naran, fatin, IHA FATIN PRÓPRIO BA SIRA iha Tasi3 (hosi estrada boot ba tasi-ibun nian). Sira la tama tuir iha Municipio hanesan ohin temi iha 1B.

D. Oinsa ho Timor-oan sira be hela iha estrangeiro hakarak tau-naran maibé sira foin mai iha Setembro molok Missa ho Papa? Sira ne’e to’o mai, sei iha biban tau-naran, maibé considerado nu’udar “peregrino” hamutuk ho maluk indonesio, australia no hosi fatin seluk.

2. Idade.

A. Critéria nebé dehan idade hosi tinan 14 to’o 59 ne’e dinámico, katak labele sai fali rigoroso hanesan fali idade seluk la soin  ba Missa ho Papa. Iha duni karik kriteria ne’e hosi Governo (ha’u seidauk haré maibé rona nune’e) talvez, tamba hanoin katak iha Tasi3 ne’e: rai manas liu, oras naruk de mais no evita ema hanehan malu se akontece ema hadau malu atu hola bensa Amo Papa wainhira nia liu besik sira.

B. Oinsa ho idade ki’ik liu (bebé ka labarik tinan 9 ka idade primeira comunhão sira) no sira be tinan 60 ba leten nebé hakarak mos bá?

Sira BELE BÁ, maibé família mak tenke garante no assegura hodi acompanha sira. Iha ne’e, se familia mai declara sira nia responsabilidade, dala ida tan oficial sira labele bandu. Igreja nunca hakarak atu ninia oan sira labele hasoru sira nia aman doben, Santo Padre.

3. Centro Informação sira ka Secretariado visita ne’e nian iha Centro Dili tenki serviço maka’as ho sira iha Cada Diocese atu povo tomak hetan info clara, laos lamas tun sa’e informação, depois fo sala fali Igreja.

Dili, 07 Agosto 2024

Hakerek na’in : Pe. Mozinho Pereira Lopes (Pmouzy)