Solidariza Fana, Estudante UNPAZ ! FAP Kondena Aktu Asédiu Iha Instituisaun Hotu

SAPNewsTL, Dili – Relasiona ho kazu asédiu sexual ne’ebe komete hosi dosente ida husi UNPAZ ! Front Akadémiku Progressu (FAP) realiza komunikadu imprensa hodi kontra aktu dosente no solidariza vítima asédiu seksual

Bazeia ba informasaun ne’ebe publika iha Media Independente iha tersa feira loron 30 fulan Jullu tinan 2024 katak, mosu asediu sexual ne’ebe deskonfia pratika husi sujeitu ho inisial (DT) hanesan dosente orientador hasoru vitima nu’udar nia estudante ho naran fana.

Fana nu’udar estudante feto ida husi Universidade da Paz, dadaun ne’e orienta hela nia teze.Tanba ne’e, iha loron 24 fulan jullu tinan 2024, tuku 13:45 Otl, liu husi “via WhatsApp” suspeitu ho inisial (DT) haruka Fana ba hasoru nia iha servisu fatin, ho objetivu atu orienta fana nia teze

Hafoin Orientador (DT) orienta hotu, fana fila kotuk atu fila, orientador refere dada Fana-nia liman hodi kaer no buti nia órgaun sensitivu hirus matan nian halo Fana hakfodak no trauma hodi hikis- an, maibé orientadór ne’e nafatin kaer metin Fana-nia liman hodi dada Fana no dehan nia hakarak kaer tan Fana-nia isin.

Porta voz FAP Nicia Pereira konsidera aktu asédiu seksual kontra prinsípiu estadu direitu demokrátiku kona ba respeitu dignifade ema moris ida-idak nian iha Timor-Leste.

“Ami husi Front Akademi Progresivu konsidera (DT) nia aktus ne’e inmoral kategoria Asediu sexsual no kontra Prinsipiu fundamentu artigo 1 hateten katak: Republika Demokratiku, Estadu ida ne’ebe Demokratiku, Soberania, ukun-an no ida mesak, hari’i hosi povu nia hakarak, respeitu ba dignidade ema moris idaidak nian”.Tenik Porta Voz Nicia Pereira iha Jardim 5 Maiu Kolmera,10/08/2024

“Ita moris iha Estadu ida respeitu Malu nudar maun ho alin aman ho oan, La’os aman buti fali oan, ne’e malkriadu”.

Porta voz FAP ne’e fundamenta, kazu asédiu sexual laos novidade ida ne’ebe primeira vez mosu iha UNPAZ, maibe kazu hanesan akontese beibeik ona iha instituisaun estadu sira.

“Kazu asédiu sexsual hanesan (DT) halo ne’e la’os foin akontese dala ida no iha UNPAZ deit, maibe iha Instituisaun hotu liu-liu iha Instituisaun estad, pratika imoral ne’e dalabarak halo husi ema ne’ebe iha poder no osan nain sira”.

Front Akademia Progresivu fo solidariedade ba vitima no husu ba públiku, liu-liu inan feton sira ne’ebe hetan kazu asédiu sexsua hodi labele subar iha nakukun laran no tenke koalia sai ba públiku no halo keisa tuir dalan legal.

Nicoa Pereira mos husu ba Ministeriu Ensinu Superior Siénsia no Kultura (MESSK) atu toma atensaun ba hahalok imoral no hahalok kriminal ne’ebe akontese iha Instituisaun akademiku labele han no toba de’it.

“Husu MESSK toma atensaun labele han no toba de’it, husu mos ba tribunal liu-liu Juiz atu foti desizaun ho justu no neutru. Labele foti desizaun bazeia ba osan no estatus Sosial”. Nia hakotu

Enkuantu, liga ba kazu asédiu sexual ne’ebe komete husi dosente UNPAZ iha nia servisu fatin, Magnífiku Reitor UNPAZ suspende ona dosente ne’ebe komete hodi hein no responsabiliza tuir prosesu legal.

Jornalista : Conzita Mota & Marciana da Conceição