Sentru FATIMALIM Loke Kursu Ba Servisu Iha Austrália & Korea

SAPNewsTL, Díli – Sentru Formasaun Familia Timor Moris Hakmatek Livre Husi Mukit (FATIMALIN) hamutuk ho SEFOPE loke formasaun lian inglés ba kandidatu traballador sira ne’ebe la passa iha teste vaga online Austrália nian no atribui sertifikadu ba formandu na’in 10.

Iha diskursu  Vise Diretór Assosiasaun FATIMALIM Moises Freitas Guterres agradese Sekretaria Estadu Gormasaun Profisionál no Empregu (SEFOPE) liu hosi nia Diretor Nasionál Formasaun Profisionál (DNFP) ne’ebé marka presenza no halo abertura ba formasaun lian inglés.

“Agradese ba Maromak tanba  ita halibur Hamutuk iha Centru Formasaun Assosiasaun Fatimalim,

Agradese mos ba Diretór Nasional Formasaun Profisional (DNFP) Leandro Vicente bele marka prezensa iha Centru Formasaun Assosiasaun Fatimalim hodi Abertura Formasaun Inglés Teste Vaga Austrália nian.”Tenik Vice Diretór Assosiasaun Fatimalim Moises Freitas Guterres iha Kintal-Boot Dili, 14/08/2024

Vise Diretór Assosiasaun Fatimalim Moises Freitas Guterres mós fo agradese ba joven hirak ne’ebé deside no hili sentru formasaun refere hodi improviza ninianlian inglés ne’ebé kategoria very poor, poor no sufisiente.

“Sira ne’ebe tuir ona teste eskrita maibe hetan valor very poor, poor no sufisiente, ami agradese tanba bele hili ona no iha konfiansa ba sentru formasaun ne’e hodi dezenvolve no improviza lian inglés”.Nia sublinha

---

Iha fatin hanesan, SEFOPE nia DNFP Leandro Vicente agradese sentre formasaun assosiasaun FATIMALIM tanba bele hola inisiativa hodi loke kursu lian ingles ba Timoran sira.

“Agradese ba inisiativa husi Sentru Formasaun Assosiasaun Fatimalim ne’ebe fasilita ona formasaun lian trabalhu nian ba kandidatu traballador sira tanba atu ba servisu iha rai seluk presiza hatene lian liliu lian inglés, Lian Korea Sul no Japaun”.  Sublinha DNFP Leandro Vicente

DNFP Leandro Vicente konsidera formasaun importante tebes tanba bele forma no prepara joven sira hodi bele partisipa no kompete iha merkadu de traball.

“Formasaun ne’e importante tebes hodi prepara no dezenvolve joven sira nia kapasidade no bele kompete iha lerkadu de traballu, liliu iha Nasaun Austrália, Korea Sul no Japaun”.

Leandro Vicente informa, fonte reseita Timor-Leste nian ne’ebe boot liu, aleinde osan minarai mak osan hirak ne’ebe haruka hosi rai-liur mai rai laran tanba kada tinan traballador sira hatama osan 204  Mill mai rai laran.

“Ohin loron reseita ne’ebe boot ne’ebe tama iha kofre estadu, osan minarai mak dahuluk no osan hosi traballador sira hatama mai rai-laran prense klasifikasaun daruak (204 mill).” Nia deklara

Sentru Formasaun Assosiasaun Fatimalim nia estatuta hetan legalizasaun husi Ministériu Justisa no hetan ona Sertidaun Komporativu.

Sentru Formasaun FATIMALIM lokaliza iha Avenida Bispo de Medeiros, Rua Travessa Hali Okos, Santa Cruz 4 de Setembru, Bairu Quintal-Boot, Na’in-Feto, Díli.

Sentru Formasaun FATIMALIM fahe kursu lian inglés teste vaga Austrália ba joven hamutuk na’in sanulu ne’ebe representabhusi na’in 4 no loke tan ba ema na’in 14 inklui lian Korea Sul.

Jornalista : Conzita Mota