Malnutrisaun Atinji 47%, USDA Realiza Workshop, Estadus Unidos Apoia TL Ho 26 Millaun
![](https://sapnewstl.com/wp-content/uploads/2022/07/index-79-650x410.jpg)
SapNews,TL.Dili : Ekipa konjuntu liu husi programa hatutan servisu hamutuk ho CARE, Mercy Corps ho WaterAid no hetan apoiu finansiamentu husi United States Embassy Timor-Leste liu husi United States Department of Agriculture(USDA) realiza Workshop kona ba reforsa implementasaun programa merenda eskolar durante tinan lima iha Timor-Leste
Tuir Director CARE Internasional Timor-Leste Peter Goodfellow hateten USDA Apoia Programa merenda eskolar ho montante 26 millaun ba programa edukasaun no nutrisaun iha Timor-Leste
Objetivu husi progama ne’e atu hadiak nutrisaun inklui hasa’e implementasaun programa eskolar hanesan komponente xavi husi komitmentu governu nian hodi kombate malnutrisaun no hametin kualidade edukasaun.
“Programa hatutan hala’o atividade durante tinan lima ne’ebe implementasaun liu husi CARE, Mercy corps no waterAid iha parseiru ho MEJD, MS, MAE no MAP, programa ida ne’e hala’o orientasaun ne’ebe mak husi memorandu entendimentu ida entre MEJD no CARE”. hateten Director CARE Internasional Timor-Leste Peter Goodfelow hafoin Workshop iha Novu Turismu kinta(14/07).
Nia relata programa hatutan apoiu Governu Timor-Leste nian hodi hadiak kobertura no implementasaun regular ba programa merenda eskolar iha nivel nasional no haforsa tan kualidade merenda eskola iha munisipiu lima mak hanesan Ainaro, Ermera,Vikeke, Liquisa, Manatutu.
Iha fatin hanesan Diretor United States Departament Off Agrikulture(USDA), Zema Semunegus afirma USDA ninia hakarak hodi hadia Timor-Leste hodi hametin ninia future, Estadus Unidos ninia programa hatutan fo fundu ho montante 26 milaun ne’ebe mak durante tinan lima.
![](https://sapnewstl.com/wp-content/uploads/2022/07/index-80-650x485.jpg)
“USDA ninia programa edukasaun no nutrisaun hatutan iha objetivu atu hadiak liu tan ba literasia ba labarik sira ne’ebe idade Eskola nian no hadiak prátika saude, nutrisaun no direitu sira, programa ne’e servisu hamutuk ho eskola husi tinan 2019 to’o presente”. Tenik nia
Aleinde ne’e mos Vice Ministru Administrasaun Estatal(MAE) Linu de Jesus Torrezão afirma merenda eskolar hotu kompostu husi eskola públiku no privadu tanba ne’e mak implementador sira hanesan MAE no diretor eskola sira iha Timor laran tomak hodi partisipa iha workshop ida ne’e.
“Apoiu bazeia ba dadus ne’ebe mak halo levantamentu husi eskola ida-idak haruka mai iha teritoriu nasional depois mak internasional haruka osan ba.Meranda eskolar ne’ebe ita prepara ne’e ba ema hotu hodi han hodi aumenta nutrisaun ne’ebe mak iha laos ita haan de’it mak fabrikadu maibe presiza mos hahan ne’ebe produsaun.
Entretantu, Apoiu ne’ebe mak husi parseiru fo ba munisipiu lima de’it (Ainaro, Ermera,Vikeke, Liquisa, Manatutu), Enkuantu ba munisipiu hotu-hotu ne’e estadu mak sei responsabiliza
Jornalista : Aquelina Magalhaes & Vitoriana Brites