Halot Ona Tavia Michella Iha Deskansa Fatin Ikus, Ema Na’in 3 Tama Prizaun

SAPNewsTL, Irlandia : Labarik feto Tavia Michella Ximenes da Costa ne’ebé Deskonfia mane ida no feto na’in rua hakotu nia vida iha Dungannon, area WindmillCourt Irlandia, halot ona iha nia deskansa fatin ikus.

Labarik feto ho naran kompletu “Tavia Michella Ximenes Da Costa” ne’ebé mate iha semana kotuk tanba deskonfia oho husi ema na’in 3 ne’e halot ona iha Irlandia ohin, 21 Outubru 2024.

Labarik refere mate tanba sofre kanek iha isin, deskonfia oho husi mane ida no feto nain rua iha area Windmill Court, Dungannon loron 14 fulan Outobru 2024, bebe mate halo tinan 2 (rua) fulan 1 (Ida).

Fo hanoin fali katak, Tuir informasaun ne’ebé SAPNews asesu liu hosi ID Josefina da Conceição antes ne’e, haktuir katak inan ho aman ne’e hakotu tiha labarik refere nia vida, hafoin uza manta hafalun labarik nia isin no pasiar ba diskoteka.

“Bebê nia Inan Aman hakotu bebê nia vida, depois sira uza lençol ou manta taka ka falun netik ba bebê nia isin mate, hafoin Inan ho aman lori malu ba diskoteka. Depois sira liga ba bebê nia avó feto mai hein labarik iha uma tanba sira sai hela”.

“Entaun, bebê nia avó mós to’o uma ba haree bebê ne’ebé falun ho lençol isin metan nanal to’os ona, entaun bebê nia avó feto liga ba sira rua dehan labarik is laiha ona, sira rua dehan ou bebê monu husi eskada”. Hakerek ID Facebook Josefina da Conceição liu hosi nia publikasaun iha 15/10/2024.

Josefina hakerek tan, Avó feton refere tanis hakilar, iha ne’ebé halo vizinhu sira rona no komunika kedas ba polísia no ambulánsia hodi to’o iha fatin akontesimentu maibé labarik refere iis laiha ona.

“Tia ne’e mós tanis, halo ema vizinhu sira rona no liga ba polísia ho ambulânsia lori bebê ne’e ba iha ospital ho kondisaun ne’ebé is laiha ona, nu’udar inan ida ita hotu sente triste, deskansa ho paz anju”.Nia hakerek

Tuir publikasaun hosi pajina Cool News & Sport liu hosi nia Jornalista Hannah Patterson informa mane ida no feto na’in rua ho idade maiz ou menuz 20 resin, hetan ona kapturasaun hafoin labarik ida mate iha área Windmill Court.

“Mane ida no feto na’in rua, hotu-hotu ho idade 20 resin, hetan kapturasaun hafoin labarik ida mate iha Dungannon. Kazu ida-ne’e akontese orseik iha área WindmillCourt, 14/10/2024”. Sita hosi pajina facebook Cool News & Sport, iha Irlandia,14/10/2024. SAPNews Screenshot

Enkuantu, Suspeito na’in 3 ne’ebé deskonfia oho bebe ne’e ho naran kompletu inisial Mane JSX ho idade 29, feto inisial SAJdC ho idade 21 no inisial SdDX ho idade 24, oras ne’e tama ona iha prizaun preventiva iha Irlandia.

Jornalista : Marciana da Conceição