Guvernu Indonézia Apoia Timor Oan Iha NTT, PR Horta Vizita, Balun Deside Sei Mai Timor

SAPNewsTL, Dili : Eis Prezidente Parlamentu Nasionál Atual Deputadu Bankada CNRT Aderito Hugo hateten Prezidenti Repúblika José Manuel Ramos Horta halo meius komunikasaun ho governu Indonezia nia proposta hasoru sidadaun sira ne’ebe mak oras ne’e dadauk iha Nusa Tenggara Timur(NTT), hafoin Presidente Vizita balun deside sai hanesan sidadaun indonezia nian no balu sei mai Timor tanba sira iha Direitu, livre ba sira atu hili sai sidadaun Timor-Leste ka Sidadaun Indonezia

Deputadu ne’e hatutan Prezidente Repúblika halo meius komunikasaun ho governu indonésia nian ho agenda hasoru eis sidadaun Timor oan sira tanba Indonésia mos hasai ona sira nia lei ida no sira ne’ebe mak husu atu hili fila mai Timor ga hili nasaun Indonésia

“Ita bele dehan sira sai hanesan eis refuziadus ne’e klaru tanba sira daudauk ne’e tama ona sai hanesan sidadaun Indonésia nian, sira laos ona refuziadus iha ne’eba tanba ne’e sidadaun sira iha direitu atu hili tama iha ne’ebe i sira hili tama iha indonezia tanba dadauk ne’e sira kaer hela passaporte Indonezia nian,” Dehan Deputadu Aderito Hugo ba jornalista sira iha Sala Bankada CNRT Parlamentu Nasionál, quinta-feira(04/08).

Entretantu,   Nasaun Indonézia mos fo regras ne’ebe mak barak ba sira hanesan sidadaun indonezia ninian, ezistensia governu  sentral  fo mos apoiu  rai ho uma permanente  ba sira

“Iha tinan barak nia laran sira moris terus hela iha ema nia rai, hela iha ema nia uma, agora ne’e liu husi atensaun governu sentral nian hodi fo ba sira uma ida ho mos rai balun hodi sira bele hela, ida ne’e mak tratamentu husi Indonézia nian ba sira, ita nafatin konsidera sira hanesan sidadaun Timor maibe sira deside ona sira sidadaun Indonézia nian,”. Tenik nia

Enkuantu, Sira ne’ebe mak servisu seidauk reforma, sira mos deside sira nia servisu i depois mak sira sei mai iha Timor no sira ne’ebe mak hili no deside ona hodi sai sidadaun indonezia

“Ita la iha kbiit ida atu obriga sira atu mai fali iha Timor ho ida ne’e Presidente halo kontaktu ho kontekstu ida ne’e ninian nafatin iha komunikasaun maski iha estatutu sira ne’ebe iha ita nafatin kontinua hodi halo”. Dehan nia

Nia dehan, agenda antes ne’e la publika sai maibe sai hanesan supreza ba publiku tanba ne’e mak hodi hamosu opiniaun ida prokontra ba ida ne’e maibe ne’e normal iha pais ida ne’ebe mak livre demokrátika Timor-Leste aktus sira no orgaun politiku

Jornalista  :  Lidia Amaral

Editor        :  Luis Pailofo