CAC Aprezenta Relatoriu Segundu Siklu Auto-Avaliasaun
Imajem : Komisariu CAC Rui Pereira dos Santos iha Salaun enkontru sentru do estudu diplomatiku MENEC, Tersa (18/03/2025)
SAPNews TL, Díli : Prioritiza asuntu korupsaun Komisaun Anti Korupsaun (CAC sigla Portugués) aprezenta rezultadu avaliasaun Relatoriu Segundu Siklu Auto-Avaliasaun ba Implementasaun Nasaun Unidas Kontra Korrupsaun (UNCAC) ba entidade públiku no privadu sanulu resin ida (11).
Tuir Komisariu CAC Rui Pereira dos Santos hateten, objetivu sorumutu ne’e hanesan kontinuasaun dialogu entre Komisaun Anti Korupsaun ho parseiru relevante sira hodi partilla “resultadu avaliasaun relatoriu segundu siklu, bazeia ba Assembleia Jeral ONU nian ne’ebe adopta rezolusaun 58/4 hodi hahoris konvensaun ONU Kontra Korrupsaun (UNCAC).
“Ita nia objetivu atu reforsa servisu tekniku CAC nian hodi produs dokumentu estratejia nasionál anti korrupsaun, nune’e CAC realiza enkontru revizaun relatoriu Unidas Kontra Korrupsaun”. Dehan Komisariu CAC Rui Pereira dos Santos liu husi nia intervensaun iha Salaun enkontru sentru do estudu diplomatiku MENEC, Tersa (18/03/2025)
Komisariu CAC aprofunda, konvensaun ONU kontra korupsaun (UNCAC) nu’udar instrumentu legal global dahuluk ne’ebe hatudu dedikasaun no determinasaun komunidade internasional ba kontra korrupsaun, nune’e sekretáriadu CAC nian partilla informasaun ba sosiedade sivil, akademiku no entidade relevante sira, atu hatene kona-ba meius kombate korrupsaun.
“Laos CAC mak bele kombate korrupsaun maibé presiza servisu hamutuk ho sosiedade sivil, akademista no media sira hodi kontribui ba prosesu kombate korrupsaun iha Timor-Leste, tanba dokumentu avaliasaun implementa iha tinan hirak liu ba kotuk entaun ita kontinua de’it.”
Komisariu CAC realsa, fulan maiu tinan ne’e nasaun rua ne’ebe halo avalisaun ba Implementasaun serbisu tekniku CAC nian sei hamutuk ho ekipa UNCAC husi sekretáriadu United Nations Office on Drugs and Crime (UNODC) sei konsetra iha Austria.
“Kazu korupsaun ne’e hanesan kazu desobedensia ba lei no artigu sira bainhira ema ida halo ho intensaun atu hetan lukru ba nia familia tanba laiha na’ok ten ida deklara aan katak hau mak na’ok ten, krimi komun fasil tanba ita bele identifika lalais faktu sira maibé kazu korrupsaun tenki liu husi prosessu investigasaun klean”.
Nia haktuir kazu korrupsaun kategoria kazu extraodinariu tanba laiha autor korrupsaun ida deklara nia aan katak nia mak na’ok ten entaun bazeia ba lei numeru 7/2020 fó espasu ba komisaun anti korrupsaun atu bele investiga funsionáriu públiku no setor privadu sira ne’ebe maka halo jestaun salarial la tuir tabela salariu.
Entretantu, iha sorumutu ne’e partisipa husi reprezentante Conselhu Imprensa de Timor-Leste (CI), Universidade Nasionál Timor Lorosa’e (UNTL), Universidade Dili (UNDIL), Institutu Nasionál Ciensia Teknologia, Forum ONG Timor-Leste, Timor-Leste Press Uniaun (TLPU), Timor-Leste Judicial System Monitoring Program (JSMP), Fundasaun Mahein, Uniaun Profesionàl Jornalista Timor-Leste (UPJTL) no ONG luta hamutuk
Jornalista: Marcela Mery & Guilhermino Ramos
