Januário Mate Iha HNGV ! Nuno Rekunhese Fallansu & Promete Hadia Iha Futuru
Imagem : Diretor HNGV Nuno Vital Soares
SAP News TL Díli : Relasiona ho Doutor iha Hospital Nacional Guido Valadares (HNGV) balun ne’ebe abandona pasiente no husik hela ba estagiáriu sira, ikus mai pasiente Januário Marçal lakon vida, Dehan Diretor Servisu Apoiu Diagnostiku no Terapeutico, Vidal de Jesus Lopes, rekunhese no promete sei hadia iha futuru. deklarasaun ne’e iha knaar fatin Bidau-Dili, 14 Abril 2025.
“Los duni, ami rekunhese akontesimentu ne’e iha ospital nasional, ita nia pasiente mate ho idade 81 anos kuaze semana ida, hori-kalan ami mai tuku sia buka tuir, em prinsípiu staf hotu-hotu servi ho domin no responsabilidade, maibe ami rekunhese, ami sei hadia ba oin”. Tenik Diretor Servisu Apoiu Diagmostiku no Terepeutico, Vidal de Jesus Lopes
Antes ne’e, Sasin Natalino Magno Belo informa katak matebian sofre moras durante fulan rua, nune’e família donor ran hodi aumenta ran Januário Marçal nian atu halo operasaun iha aban maibe estagiáriu balun ba losu tiha soru nia matan no la taka hikas, ikus mai ran sai to’o maran halo matebian hakotu iis.
“Doutor sira husu familia buka ran no familia hasai tiha ran ne’e no tau hotu ran, tuir mai estajiadu mai losu soru matan ne’e no lataka entaun ran ne’ebe mak ense ne’e sai to’o maran deit, ikus mai Januário Marçal hakotu iis iha HNGV”.Tenik Sasin Natalino Magno Belo ba SAPNews iha HNGV Bidau, 13/04/2025
Imagem : Família Matebian dudu mate isin Januário Marçal ba nia uma Bidau Toko-Baru, Díli, 14/04/2025
Tuir planu, Januário Marçal atu hetan operasaun iha loron 14 Abril 2025 maibe infelizmente la to’o iha loron ne’e matebian tenki remata nia peregrinasaun iha mundu tanba inkapasidade estajiadu balun nian.
Matebian hakotu iis, iha oras tuku ualu kalan, situasaun ne’e halo família matebian Januário Marçal lamenta, no triste tebes tanba Doutor sira abandona hodi haruka deit estagiáriu sira ba haree no rezulta Januário Marçal tenki lakon vida.
Hafoin matebian hakotu iis, carro funerária ladauk tula, nune’e família matebian deside hodi dudu deit ho kama ospital nian hodi lori fila ba matebian nia residência iha Bidau Toko-Baru.
Matebian Januário Marçal original hosi Munisipiu Baucau no hela iha Bidau Toko-Baru, Postu Administrativu Cristo Rei Munisipiu Díli.
Jornalista : Marciana da Conceição & Ermelinda Soares