MJDAC-CDTL Kongratula FEKATIL Realiza Kampionatu Nasional 2025

Imajem : Ministru Juventude Arte Kultura (sigla portugés MJDAC) Nelyo Isaac Sarmento halo abertura ba kampionatu iha salão Tres de Março Maubai Comoro, Dili sabadu (26/04/2025).

SAPNewsTL, Dili : Ministériu Juventude Arte Kultura (sigla portuges MJDAC) ho Konfederasaun Desportu Timor-Leste (sigla portuges CDTL) kongratula Federasaun Karate-Do Timor-Leste (FEKATIL) tanba realiza kampionatu nasional senior 2025.

“Ha’u fo parabens ba FEKATIL kontinua halo kampionatu nasional tanba imi sei kompete iha jogu CPLP ba atleta idade 16 no preparasaun ba jogu Sea Games 2025 iha Tailandia tanba Karate-Do sai modalidade prioridade ba governu daudaun ne’e ba jogu Sea games 2025”. dehan Ministru Juventeude Arte Kultura Nelyo Isaac Sarmento ba jornalista sira iha salão Tres de Março Maubai Comoro, Dili sabadu (26/04/2025)

Ministru hatutan, ohin liu husi kampionatu ne’e FEKATIL halo selesaun ba atleta potensial hein katak sira sei prepara atleta diak sira ba Sea Games 2025 iha fulan hira tuir mai, FEKATIL nia kampionatu ne’e hetan apoiu masimu husi MJDAC ho orsamentu 15,000 USD.

Iha sorin seluk, Prezidente CDTL Macario F. Sanches hatete, fo parabens ba FEKATIL halo kampionatu nasional tanba kampionatu ne’e mekanizmu ida ba federasaun sira halo selesaun ba atleta potensial sira hodi prepara sira ba jogu internasional.

“Ita tenki fo parabens ba FEKATIL halo kampionatu nasional tanba kampionatu ne’e mekanizmu ida ba federasaun sira halo selesaun ba atleta potensial sira hodi prepara sira ba jogu internasional sira liuliu jogu Sea Games 2025 iha Tailandia iha fulan dezembru ” tenik Macario

Macario informa tan, kontente tebes no deseju ba estrutura FEKATIL, ohin loron nia bele akompana FEKATIL nia kampionatu nasional tanba FEKATIL sai prioridade ba jogu Sea Games 2025 iha Tailandia.

Kampionatu ida ne’e atu fihir atleta sira potensia tama selesaun nasional ba jogu Sea Games tanba governu hakarak FEKATIL hetan atleta diak duni para atu ba kompete hodi fo orgullu ba nasaun, governu no inan aman sira.

Reportajen: Augusto Dos Santos