Mosu Broker ! Segurança Destakadu Likisa Asegura Autor Transaksaun Ilegal

Imajem : Segurança Destakadu Munisípiu halo identifikasaun ba produtu transaksau  ilegal iha Likisa, 18/05/2025

SAPNewsTL, Likisa : Segurança Postu Destakadu Munisípiu Likisa asegura transaksaun sasan ilegal iha Aldeia Kamalelara, Suku Dato Munisípiu Likisa.

Sérgio Delekuar – Jurnalis – SAPNews

Postu destakadu Munisípiu Likisa ne’ebe kompostu hosi FALINTIL Forsa Defesa Timor-Leste (F-FDTL/S2), Polísia Nasional Timor-Leste (PNTL), no Unidade Informasaun Ministériu Interior UIMI) asegura transaksaun sasan ilegal hanesan Coca-Cola hamutuk dos 225, Kratindaeng hamutuk dos 7 no Ter-Pucuk hamutuk dos 176 ne’ebe tula ho karreta truck xapa matríkula 56-559 iha Munisípiu Likisa.

Sasan na’in :

1. Naran : CA
2. Hela fatin : Vatugade
3. Munisipiu: Bobonaro/ Maliana
4. Suku : Watugade
5. Aldeia : Nu’ubadal

Kondutor

1. Naran : AB
2. Hela fatin : Comoro
3. Munisipiu: Dili
4. Suku : Bebonuk
5. Aldeia :Faularan

Konzak

1. Naran : BM
2. Hela fatin : Fatuk Laran
3. Munisipiu : Bobonaro
4. Suku : Balibo Vila
5. Aldeia : Fatuk Laran

Tuir informasaun ne’ebe SAP News TL asesu iha Likisa katak ekipa konjunta ne’e asegura transaksaun ilegal ne’e iha loron oras 19:25 kalan, 18 Maiu 2025 tanba deskonfia halo transaksaun ilegal.

“Postu destakadu Liquisa Servisu hamutuk ho ita nia PNTL, trânzitu Munisipiu Liquisa konjunto ho ita nia servisu informasaun sekreta munisipiu Liquisa hamutuk halo kedas check poin hodi kaer no lori kedas mai iha postu destakadu no lori halo identifika ba sasan sira ne’e”. Sita iha textu identifikasaun, Likisa, 18/05/2025

Antes ne’e, mosu ona kazu barak ne’ebe hanesan no kontinua mosu beibeik tanba deskonfia fasilita husi ema sivil no ajente estadu nian balun alias broker ne’ebe halo knaar iha Munisípiu Likisa.

Tan ne’e presiza halo investigasaun ne’ebe klean ligadu ho kazu transaksaun ilegal ka importasaun ilegal ne’ebe akontese durante ne’e. Nune’e bele evita no hapara transaksaun ilegal ba futuru.

Enkuantu, kazu ne’e parte ekipa konjunta halo ona identifikasaun no submete ba parte PNTL, hafoin sei apresenta ba Ministériu Públika hodi prosesa tuit lei ne’ebe vigora iha estadu Timor-Leste.