UNESCO Apoia ! AJTL Forma Jornalista Kobertura Klean Ba Mudança Klimátika
Imajem : Presidente AJTL Zenovia Vieira iha Salaun HAK Farol, 20/06/2025.
SAPNewsTL, Díli : Assosiasaun Jornalista Timor-Leste (AJTL) serbisu hamutuk ho UNESCO fasilita formasaun ba jornalista hamutuk na’in 19 kona-ba mudansa klimátika.
Ermelinda Soares – SAP News TL
Presidente AJTL Zevonia Vieira hateten UNESCO kolabora ho AJTL atu haforsa Jornalista sira oinsa buka informasaun ne’ebe detalla kona-ba mudansa Klimatika tanba mudansa la’os impaktu ba de’it ambiente maibe impaktu mos ba grupu vuneravel sira.
“UNESCO kolabora ho AJTL haforsa Jornalista sira oinsa halo reportagem klean kona-ba mudança klimatika ne’ebe akontese iha mundu tomak liliu illa kiik oan sira hetan afeta makas hanesan Timor-Leste, entaun AJTL kontinua enkoraja jornalista sira atu kobertura ba mudansa klimátika ne’ebe fo risku barak sosiedade no ema ho difisiénsia liliu sira ne’ebe hela iha area remotas”.
“UNESCO hakarak apoia AJTL, nune’e bele hasa’e númeru reportagem Jornalista kona-ba klimatika tanba moniturizasaun ne’ebe UNESCO halo katak kobertura menus los ba Ambiental iha Timor-Leste”.Dehan Presidente AJTL Zevonia Vieira ba Jornalista sira iha Salaun HAK-Farol Dili,20/06/2025
Iha fatin hanesan, Treinardor Herry Sujardi haktuir mudansa klimátika ne’ebe la tuir nia tempu fo impaktu ba buat barak inklui mós ema tanba ne’e papel jornalista nian importante tebes atu halo kobertura ba mudansa klimátika.
“Buat ne’ebe infrenta bo’ot liu iha mundu ne’e mak mudansa klimátika ne’ebe fo impaktu ba ekonomia sosiedade no buat hotu, tanba ne’e iha formasaun ne’e, oinsa jornalista iha hanoin bainhira tun kobertura saida mak atu husu, saida mak atu buka, saida mak tenki hatene no informasaun sira ne’e tenki kompletu”.
“Jornalista mak hanesan fahe informasaun ba públiku, públiku fiar liu husi media kompara ho media sosial tanba media tuir regra sira media mak sempre fo informasaun ne’ebe los,” Nia sublinha
Jornalista TVE Madalena Reis konsidera formasaun refere importante tebes ba jornalista sira hodi bele halo kobertura no advokasia ba mudansa klimátika.
“Treinamentu ne’e importante los, AJTL bele halo parseria ho UNESCO no fo formasaun oinsa bele hatene kona-ba mudansa klimátika iha Timor-Leste, oinsa Jornalista atu kobertura ba mudansa klimatika”.
Jornalista TVE ne’e, “husu ba AJTL atu kontinua halo parseria no fo formasaun ba Jornalista sira, nune’e sira bele publika informasaun ne’ebe kredivel no balansu ba audiénsia sira bele konsumu tanba Jornalista mak ponte ida ba sosiedade no governu”.Nia husu
Enkuantu, formasaun ne’e partisipa hosi jornalista hamutuk na’in sanulu resin-sia (19) hosi média nasional sira, hafoin formasaun ne’e jornalista sira sei halo kobertura kona-ba mudança klimatika iha Timor-Leste.