Kualifikasaun AFC ! TL Derrota Kontra Tailândia & Impata Hasoru Iraq

Imajem : Selesaun Nasional Feminina Timor-Leste iha Tailândia, 23/06/2025. Foto : Media FFTL. 

SAPNewsTL, Tailândia : Jogu Kualifikasaun AFC Women’s Asian Cup Australia 2026, Ekipa Selesaun Nasional Feminino senior Timor-Leste hetan derrota kontra Tailândia no impata hasoru Iraq.

Marciana da Conceição – Mídia Sapnews – Fontes – Média FFTL

Iha jogu dahuluk ne’ebé hala’o iha loron 23 Juñu 2025, Ekipa Selesaun Nasional Feto senior joga hasoru ekipa Iraq ho rezultadu impata (TL 0-0 Iraq).

Tuir mai, iha loron 26 Junhu, jogu daruak kontra Selesaun Nasional Tailândia iha kualifikasaun AFC Women’s Asian Cup Australia 2026, Ekipa Selesaun Nasional Feminino senior hetan derrota ho skore 0-4, (TL 0-4 Tailândia).

Iha sorin seluk, Índia manan Mongólia ho skore 14-0 iha loron 23 Junhu, Iraq halakon Mongólia ho skore 5-2 iha loron 26 Junhu.

“Tuir orariu officiál ne’ebe iha, loron 23 Juñu Timor-Leste joga hasoru Iraq, 26 Juñu Timor-Leste ho Tailandia, 29 Juñu Timor-Leste ho India , 05 Jullu 2025 Timor-Leste ho Mongolia”.Sita Página Facebook FFTL.

Jogu kualifikasaun AFC Women’s Asian Cup Australia 2026, Ekipa Selesaun Nasional Feminino senior tama iha grupu B, nune’e hamutuk ho Tailandia, India, Mongolia no Iraq.

Jogu ba grupu B refere, Nasaun Tailandia mak sai uma na’in, nune’e jogu kualifikasaun ba grupu B hala’o iha Tailândia.