Governu Hahú Observa Fatin Konstrusaun Katedral Maliana

Imajem : Primeiru Ministru Xanana Gusmão & Bispu Maliana Dom Norberto do Amaral iha Maliana, 26/06/2025. Foto : Média PM

SAPNewsTL, Bobonaro : Hafoin hala’o abertura ba semináriu, Primeiru-Ministru (PM), Kay Rala Xanana Gusmão no Bispu Dioseze Sagrado Coração de Jesus Maliana, Dom Norberto do Amaral hala’o observasaun ba futuru fatin konstrusaun Igreja Katderál Maliana nian iha área Ex-Kodim,Raifun-Ritabou.

“Observasaun ne’e hala’o hafoin halo abertura bá semináriu “XV aniversáriu Dioseze Maliana ho Jubileu tinan 350 Coração de Jesus” ne’ebé realiza iha Salaun Padre Manuel Luís, Igreja Paroquial Maliana, 26/06/2025”. Sita Página Oficial Primeiru Ministru Kay Rala Xanana Gusmão.

Atual Presidente Conferência Episcopal Timorense (CET) Dom Norberto do Amaral hamutuk ho sarani Maliana tau esperansa boot bá Primeiru-Ministru, Xanana Gusmão katak, durante mandatu iha Governasaun ida-ne’e sei iha dalan bá inísiu konstrusaun Igreja Katedrál ne’e.

Durante observasaun, akompaña mós hosi Koordenadór Gabinete Apoiu Sosiedade Sivíl, Joaquim da Costa Freitas ho padre sira Dioseze Maliana niannianniannian no sarani sira.