Kondena Funu ! Leão XIV: “Ema Labele Mate Tanba Fake News”.
Imajem : Papa Leão XIV. Foto : Vatican News
SAPNewsTL, Vatikanu: Santu Padre Leão XIV kondena makaas konflitu mosu hosi fo afeta ba kristaun sira iha médiu oriente, “verifika lialos no buka atu ultrapasa, rejeita sira ne’ebé bosok, fruto hosi simulasaun emosionál no retórika sira.”
Marciana da Conceição – SAPNewsTL
Pontífise ho lian makaas kondena konflitu sira ne’ebé maka afeta ba teritóriu sira Oriente Kristaun “ho veeménsia diabólika ne’ebé nunka haree antes”.
“Ha’u nia fuan sangra bainhira ha’u hanoin kona-ba Ukránia, kona-ba situasaun trájiku no dezumanu iha Gaza no Médiu Oriente ne’ebé hetan destruisaun tanba espansaun funu nian”.
“Ita umanidade hotu hetan bolu atu avalia kauza sira hosi konflitu hirak ne’e, atu verifika buat ne’ebé loos no buka atu ultrapasa, rejeita sira ne’ebé bosok, fruto hosi simulasaun emosionál no retórika sira.” Hateten Amu-Papa Leão XIV iha Vatikanu, 26/06/2025. Nia sita Vatican News
Pontífise Romanu hatutan tan, “Ema labele mate tanba notísia falsu sira.” Ne’e moe ba umanidade no lider nasaun sira.
Amu Papa husu : Oinsá ema ida bele fiar, hafoin sékulu barak katak asaun sira funu nian bele lori dame?
“Ema la hatene kona-ba montante osan ne’ebé tama iha bolsu hosi komersiante sira ne’ebe mate, envezde hari’i ospitál no eskola sira maibe sira ne’ebé hari’i ona hetan destruisaun”.
Hasoru situasaun ida ne’e, kabe ba sarani sira atu sai indignadu hodi hasa’e lian no loke liman hodi hari’i dame. Ita presiza reza no fó sasin, ita presiza banati-tuir Kristu.