Telkomcel Sei Oferese Internet Unlimited Ba Partisipante Jogu CPLP 2025

Imagem : Koordenador Komisaun Organizador Jorge Cristovão no Reprezentante Telekomcel Timor-Leste Samanta Abel iha Díli, 01/07/2026. Foto : Média Telkomcel

SAPNewsTL, Dili: Hafoin sai patrocinador, Operador Telekomunikasaun Telkomcel Timor-Leste sei oferese internet Unlimited ba delegasaun husi nasaun hitu ne’ebe sei partisipa jogu CPLP 2025 iha Timor-Leste.

Augusto dos Santos – SAPNewsTL

“Ohin, ita hasoru malu ho Telekomcel atu entrega pakote sponsorship, sira sei fo sasan ho pakote, nune’e pakote ida kompostu husi pasta ida, maskot jogu CPLP, toalla, xapeu, kadernu, tali ba kartaun identidade, kantil no sim card gratuita ba delegasaun sira”.

“Apoia ne’e ne’e hahu hosi Xefe Misaun mai to’o atleta sei utiliza internet unlimited durante jogu la’o semana rua iha Timor-Leste”, dehan Koordenador Komisaun Organizador Jorge Cristovão ba jornalista sira iha Centro Convençoes Dili Merkadu Lama segunda (01/07/2025).

Jorge hatutan, iha fulan kotuk asina ona akordu ho Telekomcel Timor-Leste sai nu’udar patrosinador prinsipal ida ba jogu CPLP 2025 iha Timor-Leste, nune’e sira finaliza ona sira nia komitmentu hodi atribui sasan sira ba suportasaun jogu ne’e, sira sei fo sasan ho pakote hamutuk 700.

Nia infotma tan, Telkomcel mos sei oferese tan lina internet ba fatin atividade desportu sira no media center tanba ida ne’e hodi governu nia naran hakarak hato’o apresiasaun ba patrosinador Telekomsel ho vontade mai koopera ba jogu ida ne’e.

Iha fatin hanesan, Reprezentante Telkomcel Timor-Leste Samanta Abel hatete, sente orgullu no onradu tanba bele hola parte iha XII jogu CPLP 2025 nu’udar ofisial telecopartner.

“Ha’u lori jerente Telekomcel nia naran, ami sente orgullu no onradu bele hola parte iha XII jogu CPLP 2025 iha Timor-Leste nu’udar ofisial telecopartner, nune’e ohin ami atu entrega pakote sponsorship nian, hein katak hirak ne’ebe ami fornese bele utiliza didiak husi delegadu no voluntariu sira”.

Samatha salienta tan, Telkomcel sai nu’udar patrosinador ne’e bele hit tan imajen nasaun nian ba nasaun sira seluk iha CPLP katak preparadu sai uma nain ba jogu ne’e rasik no Telekomcel prontu sai ofisial telecopartner durante jogu CPLP la’o.

Entretantu, Patrosinador ba Jogu CPLP 2025, daudaun ne’e asina ona akordu ho komisaun organizador mak BNCTL, Telkomcel, Timor Telecom, Bee Leste no Timor Plaza.