Derrota Hasoru Filipina & Myanmar ! Ohin, TL Sei Kontra Austrália

Imajem : Jogador Timor-Leste no Myanmar iha Estádiu Vietnam, 10/08/2025. Foto : Média FFTL

SAPNewsTL, Vietnam : Association South East Asia Nations (ASEAN) Women’s Championship Msig Serenity Cup 2025 ne’ebe hala’o iha Vietnam, selesaun feminina Timor Leste lakon hasoru Myanmar ho eskor 0 a 3 no Filipina ho eskor 7 a 0.

Association South East Asia Nations (ASEAN) Women’s Championship Msig Serenity Cup™ 2025 ne’ebe hala’o iha Vietnam, selesaun Philippines halakon selesau Timor-Leste ho 7 a 0.

Durante jogu, iha faze dahuluk selesaun Philippines halo golu haat 4, tuir mai, iha faze daruak aumenta golu 3 ba Timor-Leste hodi muda ba eskor 7 a 0 iha ASEAN Women’s Championship Msig Serenity Cup 2025.

Órariu ba Ekipa Selesaun Nacional Timor-Leste Feminino Senior iha Jogu Women’s Championship MSIG Serenity CUP™ 2025 ne’e realiza iha Vietnam.

Tuir órariu officiál, iha loron 07 Agostu, Ekipa Selesaun Nacional Feminino senior Timor-Leste joga hasoru uluk ekipa Filipina (0-7), loron 10 Agostu hasoru Myanmar (0-3), no iha loron 13 Agostu 2025 sei joga hasoru Australia.

Jogu Asean Women’s Championship MSIG Serenity CUP 2025, Vietnam mak sai uma na’in, nune’e Timor-Leste tama iha grupu B hodi hamutuk ho Filipina, Myanmar, no Australia.

Rezultadu hosi jogu rua ne’e hatudu, ekipa Timor-Leste la hetan pontus tanba lakon ona dala rua hasoru Filipina no Myanmar iha grupu B.