KRO : Tetu Orsamentu Ba SEFOPE Hamutuk $5, 594,735 & SEKoop Hamutuk $2, 492,494
Imajem : SEFOPE Rogério Mendonça & SEKoop Arsenio Pereira iha Salaun Ministériu Finansas Aitarak-Laran, 15/08/2025. Foto : Média GPM
SAPNewsTL, Dili : Tetu Orsamentu ne’e entrega liu-hosi aprezentasaun Proposta Planeamentu no Orsamentu tinan 2026 bá Komité Revizaun Orsamentu (KRO), Ministériu Finansas (MF) atribui ona Tetu Orsamentu tinan fiskál 2026 bá Sekretária Estadu Formasaun Profissionál no Empregu (SEFOPE) hamutuk $5,594,735.
“Montante Tetu Orsamentu ne’e fahe bá saláriu no vensimentu $3,263,514 ho Bens no Servisu Korrentes $2,331,221”. Sita média GPM, Dili, 15/08/2025
MF mós atribui Tetu Orsamentu bá Sekretária Estadu Kooperativas (SEKOP) hamutuk $2,492,494 ne’ebé fahe bá Saláriu no Vensimentu $1,051,825 ho Bens no Servisu Korrentes $1,440,669.
Sekretáriu Estadu Formasaun Profisionál no Empregu, Rogério Araújo Mendonça hamutuk ho Sekretáriu Estadu Kooperativas, Arsénio Pereira da Silva simu Tetu Orsamentu ne’e akompaña hosi Vise-Primeiru-Ministru, Ministru Koordenadór Asuntus Ekonómikus no Ministru Turizmu no Ambiente, Francisco Kalbuadi Lay.
Reuniaun KRO prezide hosi Primeiru-Ministru (PM), Kay Rala Xanana Gusmão ho prezensa hosi Vise-Primeiru-Ministru, Ministru Koordenadór Asuntus Sosiais no Ministru Dezenvolvimentu Rurál no Abitasaun Komunitária, Mariano Assanami Sabino, Ministra Finansas, Santina José Rodrigues Viegas Cardoso, Ministru Obras Públikas, Samuel Marçal, Ministru Planeamentu no Investimentu Estratéjiku, Gastão Francisco de Sousa no Vise- Ministra Finansas, Felícia Claudinanda Cruz Carvalho.
Reuniaun KRO ne’e hala’o iha salaun Ministériu Finansas (MF) Aitarak-Laran hahú iha tersa (05/08/2025) no tuir Kalendáriu bá reuniaun Komité Revizaun Orsamentu 2026 sei remata iha sábadu (23/08/2025).
Tetu Orsamentu ne’e entrega liu-hosi aprezentasaun Proposta Planeamentu no Orsamentu tinan 2026 bá Komité Revizaun Orsamentu (KRO) ne’ebé lidera hosi Primeiru-Ministru (PM), Kay Rala Xanana Gusmão iha auditóriu Ministériu Finansas (MF), sesta (15/08/2025).
Fo hanoin fali katak Konsellu Ministru antes ne’e prevé Orsamentu Jeral Estadu ba tinan 2026 hamutuk billaun 1.8, makse nune’e maibe iha revizaun orsamentu 2026 Ministériu no Sekretaria estadu balun hosi orsamentu adisional.