Realiza Konferénsia Driving Digital Transformation ! Manetelu Agradese Telkomcel
Imajem : MTC Miguel Marques Gonçalves Manetelu, Iha Salaun CCD Kaikoli, Segunda, 25/08/2025.
SAPNewsTL, Díli : Ministériu Transporte no Komunikasaun (MTC) kolabora hamutuk ho operador Telkomcel realiza Konferénsia Internasionál ho tema “Driving Digital Transformation in Timor-Leste Conference: Leveraging Digital Platforms for Innovation and Skills”
Guilhermino Ramos da Cruz — SAPNews TL
Iha diskursu Ministru Trasporte no Komunikasaun Miguel Marques Gonçalves Manetelu hateten, governu foti ona pasu estratéjiku desizivu sira, kona-ba implementasaun rede fibra otika nasional no lansamentu operasional iminente Kabu Submarinu Súl Timor-Leste (TLSSC).
“TLSSC liuliu aborda diretamente nesesidade krítiku ba banda largura
internasionál ne’ebé identifika iha ita-nia Planu Estratejiku Dezenvolvimentu Nasional (PEDN) hodi muda ita hosi
dependénsia satélite ne’ebé karun ba konetividade global ho kapasidade
aas no konfiável”. Dehan MTC Miguel Marques Gonçalves Manetelu, Iha Salaun CCD Kaikoli, Segunda, 25/08/2025.
Ministru ne’e hatutan, konferénsia ne’e fó oportunidade ba governu, setor privadu, no instituisaun edukativu atu partilla ideia no estratéjia hodi impulsiona transformasaun digital iha Timor-Leste liuliu atu aproveita plataforma digital hanesan meiu inovasaun no dezenvolvimentu kapasidade hodi sustenta progresu teknológiku no kriasaun oportunidade ba juventude.
“Hamutuk ho ida-ne’e, ita ezekuta hela ita-nia PEDN ninia mandatu kona-ba literasia dijitál, integra ida ne’e iha ita-nia sistema edukasaun hodi garante ita-nia foin-sa’e sira bele uza internet ho produtivu no ho responsabilidade”.
Enkuantu, inisiativa ida ne’e Ministru MTC hato’o agradesimentu ba kompañia operador Telkomcel tanba apoiu esforsu nasionál atu aselera dezenvolvimentu inklusivu, kuidadu ba seguransa digital, no fó asesu hanesan ba servisu digital ba povu Timor-Leste.
“Ha’u hato’o ha’u nia apresiasaun sinseru ba Telkomcel ba sira-nia parseria ne’ebé nu’udar komisaun organizadór no patrosinadór ba konferénsia importante ida-ne’e”.
“Ha’u nia obrigado mós ba ami-nia parseiru no parten interesada hotu ba ita-boot sira nia apoiu kontinua. Ita-boot sira-nia kontribuisoins maka importante tebes bainhira ita prepara jerasaun tuir mai atu buras iha era dijitál no kompete ho konfiansa iha ekonomia globál”.
Entretantu, iha Komferensia ne’e Partisipa husi Ministru Trasporte no Komunikasaun, Miguel Manetelu, Ministru Ensinu Superior Siensia no Kultura, José Honório da Costa Pereira Jerónimo, Ministra Edukasaun, Dulce de Jesus Soares, Ministru Komersiu Industri, Nino Pereira, Sekretáriu Estadu Komunikasaun Sosiál, Expedito Loro Dias, reprezentante Kompañia Google Indonesia, Chief Ezekutive Officer CEO Telkomcel ho ekipa, Estudante Sekundáriu, Universitariu no Média Sira