Alkatiri Konsidera Saudoza Florentina Sai Referénsia
Imajem : Sekretariu Jeral Partidu FRETILIN Mari Alkatiri presta omenajen ba Saudoza Florentina Smith iha CCF, 26/08/2025. Foto : Jutek Guterres
SAPNewsTL, Díli : Kadaver Florentina Smith vizita CCF, Secretario-Jeral Partido Frente Revolucionário Timor-Leste Independente (FRETILIN) Mari Alkatiri sente lakon figura importante no konsidera Saudosa Florentina nu’udar referénsia diak.
Marciana Da Conceição Jurnalis – Mídia Sapnews
Durante vizita ikus ba CCF, Presidente Partidu Francisco Guterres Lu Olo no Secretario-Jeral FRETILIN Marí Alkatiri hamutuk ho kuadrus sira presta omenajen ikus ba saudosa Florentina Smith iha CCF, 26 agostu 2025.
Iha diskursu, Marí Alkatiri haktuir kamarada sira hotu sente laran susar no lakon pessoa importante ida ne’ebe hala’o nia jornada kompletu iha misaun servi nian.
“Ha’u nia liafuan dahuluk ba kamarada murak nia família murak, familia doben no familia osan mean, ita hotu-hotu ohin mai hotu iha ne’e camarada Presidente Partidu Lu Olo ho espoza no ha’u rasik, membrus Comite Central FRETILIN (CCF) ho camarada sira hotu. ita mai ho susar”.
“Ita hotu lakon kamarada ida que halo nia jornada kompletu, jornada ida ho luta to’o iis kotu, hamrik ho servisu no lori misaun importante ida que bele fo ba militante sira hotu no kuadrus sira hotu.” Tenik SekJer FRETILIN Marí Alkatiri iha CCF Fatuhada, 26/08/2025. Sita Página Oficial Marí Alkatiri
Alkatiri dehan wainhira ita moris hala’o misaun servi iha partidu, igreja, komunidade no nasaun.
“Enkuantu, ita moris, ita servi, ita servi igreja, servi komunidade, servi partidu, servi nasaun, ne’e mak kamarada murak. Onra no orgullu boot FRETILIN nian, ha’u nia hanoin serteza absoluta no orgulhu bo’ot ba familia murak nian”.
Imajem : Sekretariu Jerál OPMT Florentina Smith
Alkatiri hatutan, “Ita hotu-hotu mai ho laran triste tamba ita lakon, lakon ha’u ni’a Adjunta Secretária-Jeral FRETILIN rasik, ne’e signifika katak ha’u nia ekipa de trabalho, ha’u lakon ema ida que importante tebes.”
Saudoza Florentina Smith husi ativista ba militante, ba lider to’o Secretária Geral OPMT, Adjunta Secretária Geral FRETILIN, Lakon ida que bele husik tempu susar ba FRETILIN, tanba ema ida dedika nia-an tomak ba servisu partidu no servisu saida deit mak nia halo bainhira fo konfiansa.
“Ita hotu ba ha’u rasik atu priense iha nia fatin kontinua banati tuir ninia diak hotu. Biar nune’e, ha’u dehan ha’u la fo liafuan ikus ba Camarada Murak, Camarada murak ita sei kontinua hamutuk, ha’u so bele hatete ate sempre”.
Nia dehan, wainhira ema moris mos persija iha referensia, wainhira ita moris atu kontinua ita-nia luta.
“Ita persiza referensia husi Matebian no kamarada murak no ba ita hotu, buiberes no mauberes tomak referensia ida que diak tebes durante nia jornada tomak. Tamba ne’e ba familia enlutada no ita hotu enlutada mos ba familia direta enlutada, ha’u atu dehan koragem nafatin,”
Kamarada saudosa ohin halot ona iha Jardim Herois da Patria Metinaro, iha jardim signifika katak nia memoria sei buras nafatin atu fo kbit mai ita atu kontinua prosesu ida ne’e, saida mak nia mehi bot liu mak ida ne’e, atu kore feto husi dupla explorasaun, povu tomak husi mukit no kiak ne’e mehi matebian nian, mehi FRETILIN nian, mehi kombatente.
Saudosa Florentina Smith hakotu nią jornada iha loron-22 agastu 2025 iha HNGV no haloot iha Jardim Heróis da Patria Metinaro, iha loron-26 agostu 2025.