𝗧𝗶𝗻𝗮𝗻 𝟮𝟲 𝗞𝗼𝗻𝘀𝘂𝗹𝘁𝗮 𝗣𝗼𝗽𝘂𝗹𝗮𝗿 ! 𝗣𝗥 𝗛𝗼𝗿𝘁𝗮 : “𝗛𝗮’𝘂 𝗔𝗱𝗺𝗶𝗿𝗮 𝗛𝗼 𝗠𝗮𝘂𝗻 𝗫𝗮𝗻𝗮𝗻𝗮”
Imajem : Presidente Repúblika José Manuel Ramos Horta iha Lecidere, 30/08/2025
SAPNewsTL, Díli : Iha âmbitu Timor-Leste komemora tinan XXVI pasu istoriku 30 Agosto 1999 Konsulta Popular, Prezidente Repúblika (PR) José Ramos Horta deklara admira politika Primeiru-Ministru (PM) Kay Rala Xanana Gusmão.
Iha diskursu Xefe Estadu hateten, Politika maun Xanana mak impoin maka’as ba ukun rasik aan, iha ema barak ko’alia oioin maibé iha tempu Timor-Leste hasoru situasaun difisil Organizasaun Nasoins Unidas (ONU sigla Inglés) deklara altera, Konsulta Popular, Xanana Gusmão baku meza hodi impoin ba meza atu realiza Referendum.
“Ha’u admira, Maun bo’ot Xanana nia matenek nu’udar lider politika tanba ha’u akompaña politika ne’ebe nia hala’o” Dehan PR Jose Ramos Horta liuhusi, nia diskursu iha jardin largo Lecidere, Sabadu (30/08/2025)
PR Horta hatutan, iha selebrasaun tinan XXVI, 30 Agosto 1999 ho tema, Lori Timor Ba Mundu, nia parte kontinua reafirma kona-ba istoria sakrifísiu lideransa ida ne’ebe matenek, lori Timor nia luta ba ukun rasik an ho nia ideolojia polítika.
“Ha’u fó sai de’it liafuan balun liu-liu jerasaun foun sira joven sira hatene oitoan ita-nia lideransa, ha’u temi lideransa ne’ebe matenek, ran no ulun malirin, wainhira iha dezafiu bo’ot tebe-tebes, dezafiu iha ita-nia oin desizaun atu halo oinsa”.
Xefe Estadu konta, momentu iha 1998 rejime Suharto monu tanba iha rajaun barak, nune’e Tentara Nasional Indonesia (TNI) rasik hasai tiha ona konfiansa ba nia Prezidente Suharto, Jeneral TNI nian hatete, diak liu Prezidente Suharto hases an, vise Prezidenti BJ Habibi mak simu todan nu’udar Prezidenti Indonesia.
“Entaun ita haree iha tinan 1998, situasaun rua mak determina ba oin Timor-Leste nia destinu, ida mak TNI hasai konfiansa ba Prezidente Suharto, dada Vise Prezidente BJ Habibie ba Prezidente Indonesia foun”.
Premiadu Novel da Paz ne’e hatutan, matenek ne’ebe Xanana Gusmão iha uniku ideologia maka kore povu Timor nia sofrimentu husi invazaun Indonesia.
“Portantu ita selebra 30 Agosto 1999 ba ha’u mak ida ne’e ha’u admira Maun bo’ot Xanana nia matenek no politika, tanba ha’u akompaña prosesu politika 100%, ha’u tur iha Nova Yorke haree politika, Maun Xanana hanesan joga xadres mak dada ita to’o iha momentu ida ne’e”.
Entretantu, mensajen rekoiñesementu ba kontribuisaun Komandante em Xefi FALINTIL Kay Rala Xanana Gusmão ne’e Prezidente Republika José Ramos Horta, hato’o hodi enkoraja foinsa’e sira atu rekoñese kontribuisaun Kay Rala Xanana Gusmão ba determinasaun ukun rasik an.