Apoia Osan Millaun 2.5 Ba Indonesia ! PM Xanana Vizita Vítima Inundasaun
Imajem : Primeiro Ministro Kay Rala Xanana Gusmão hala’o vizita ba vítima inundasaun iha Bali, 15/09/2025. Foto : Média GPM
SAP News TL, Indonésia : Primeiru-Ministru (PM), Kay Rala Xanana Gusmão hala’o vizita hodi fó korajen bá vítima inundasaun iha Provínsia Bali, Indonézia.
Tuir informasaun ne’ebe média Mídia Sapnews asesu liu husi média Gabinete Primeiru-Ministru sita katak, PM Xanana hala’o vizita bá vítima sira ne’e iha ámbitu viajen servisu bá Reinu Unidu, segunda-feira, (15/09/2025).
Udan-bo‘ot ne’ebé akontese iha Bali hahú hosi Tersa kalan (9 Setembru 2025) to’o Kuarta dadeer (10 Setembru 2025), halo mota balun nakonu no sistema drenajen sira labele hasai bee hodi rezulta inundasaun maka’as, iha ne’ebe afeta bá sidade neen iha Bali.
“Inundasaun ne’e estraga uma atus resin, merkadu tradisionál sira no estrada prinsipál sira, hodi halo edifísiu sira monu”. Sita Média GPM, Bali, 15/09/2025
Ajénsia Nasionál Jestaun Dezastre (BNPB) fó sai katak, ema na’in 18 mate no rezidente atus resin maka sai hosi uma.
Nune’e, Sorumutu Estraordináriu Konsellu Ministrus (KM) iha loron 12 fulan-setembru tinan 2025 iha Palásiu Governu Díli, Governu Timorense hato’o solidariedade bá povu, Governu Repúblika Indonézia no autoridade provínsia Bali nian, haree bá efeitu destruisaun hosi inundasaun ne’ebé akontese iha Bali.
Iha kontestu ne’e, Governu Timor-Leste liu hosi reuniaun konsellu ministru aprova ona projetu Rezolusaun Governu nian, ne’ebé aprezenta hosi Primeiru-Ministru, Kay Rala Xanana Gusmão hodi autoriza doasaun dolar amerikanu millaun 2,5 bá provínsia Bali, ho intensaun atu apoia esforsu asisténsia umanitária no rekuperasaun populasaun sira ne’ebé sai afetadu.