๐๐ฎ๐ฑ๐ฎ ๐๐ถ๐๐ฎ ๐ง๐ฎ๐ธ๐ฎ ๐๐๐๐ฟ๐ฎ๐ฑ๐ฎ, ๐๐ฎ๐ฟ๐ฟ๐ฒ๐๐ฎ ๐๐ฎ๐ธ๐ ๐๐ถ๐น๐ฎ ๐ฅ๐ฒ๐๐๐น๐๐ฎ ๐๐บ๐ฎ ๐ก๐ฎ’๐ถ๐ป ๐ฎ ๐๐ฎ๐ป๐ฒ๐ธ ๐๐ฟ๐ฎ๐๐ฒ
Imajem : Karreta truck ho xapa matrรญkula A 55-563 baku fila iha Manatuto Villa, 18/09/2025
SAP News TL, Manatuto : Komisaun realizasaun motor drag dada fita taka estrada iha รกrea Suku Situasi, Postu Administrativu Manatuto resulta karreta truck ida ho xapa matrรญkula A 55-563, hetan asidente hodi halo ema na’in 2 kanek todan no na’in lima seluk hetan kanek.
Tuir informasaun ne’ebe Mรญdia Sapnews asesu iha lokal akontesimentu hosi parte Eskuarda PNTL ne’ebe halo identifikasaun ne’ebe la fo nia identidade haktuir katak karreta refere hetan asidente tanba ema (Kompanha nian) maka dada fita taka estrada hodi resulta karreta balu fila no ema kanek.
Membru polรญsia ne’e hatutan fita ne’ebe parte komisaun kompanha ba realiza motor drag dada ne’e laiha kunhesimentu hosi parte PNTL.
Iha fatin hanesan, komunidade ne’ebe konsege mai haree no ajuda vรญtima asidente, Jermano dos Santos informa katak ema na’in 7 kompostu hosi feto na’in 4 no mane na’in 3, entre sira mane na’in rua hetan kanek todan, nune’e evakua ona ba Hospital Nasional Guido Valadares (HNGV) Dili hodi halo tratamentu.
“Wainhira ami rona karreta monu lian makaas, ami barak mai haree, ha’u to’o iha ne’e, vรญtima feto ida tanis no husu ajuda, nune’e komunidade sira hapara karreta privadu ida hodi fasilita tula ba ospital”.
“Vรญtima feto ida tanis deit, sira iha hela ospital, asidente ne’e mosu wainhira sira halai ho velosidade lais, sira haree fita, feto ida hakfodak no hakilar, nune’e kondutor silu derepente no karreta baku fila”.
“Ema nain 7 mak kanek, na’in 2 mak kanek grave, ambulรขncia lori ona sira ba Dili tanba hetan kanek todan no R*n sai barak, sira hosi Atsabe mak halo lia iha Lospalos mak fila no hetan asidente iha oras 21:00”. Hateten Jermano dos Santos iha Manatuto, 18/09/2025
Karreta baku fila tanba ema dada fita hodi prepara ba motor drag iha loron aban, 19 fulan Setembru 2025.
Oras ne’e, vรญtima na’in lima seluk ne’e sei iha ospital munisipal Manatutu hodi halo tratamentu intensiva.
To’o oras ne’e, parte husi Kompanha (Komisaun) ne’ebe dada fita seidauk to’o ba ospital no halo klarifikasaun ligadu ho dada fita ne’e.
Tuir informasaun vรญtima hirak ne’e hosi Postu Administrativu Atsabe, munisipiu Ermera, sira ba halo lia iha postu administrativu Lospalos, munisipiu Lautem maka hetan asidente hafoin fila.