Ekipa Konjunta Prende Sigaru Ilegal Karton 398 Iha Tilomar

Imajem : Forsa konjunta prende sigaru ilegal iha postu administrativu Tilomar, Covalima, 06/10/2025. Foto : SRP

SAP News TL, Covalima : Autoridade Forsa Konjunta Polísia Nasionál Timor-Leste (PNTL) Munisípiu Covalima, Unidade Polísia Maritima (UPM), Unidade Patroillamentu Fronteira (UPF) junta ho Servisu Nasionál Intelijensia(SNI) prende sigaru Ilegal karton 398 hamutuk ho evidensia sira seluk area Lesse-Oan, Munisipiu Covalima.

Tuir informações ne’ebé SAP News asesu liu hosi página ofisial PNTL haktuir katak ekipa prende sigaru Ilegal karton 398 hamutuk ho evidensia sira seluk area Lesse-Oan, Suku Cassabauc, Postu Administrativu Tilomar Munisipiu Covalima.

“Evidensia sigaru ilegal hirak ne’e, sidadaun grupu ida halo aktividade transzaksaun sigaru ilegal tula ho bero tolu husi tasi klaran mai atraka iha rai maran iha loron 06/10/2025 tuku 01:45 dader madrugada”.

“Autoridade seguransa deskobre halo kedas atuasaun konsege asegura sasan hanesan Passaporte 2, Sigaru Karton 398, Motor 5, Kareta 1, Mesin ketinting 3, Sensor 1, Osan = 1103, 5, Bero hat 4 no Telemovel 5, iha area Lesse-Oan, Suku Cassabauc, Postu Administrativu Tilomar Munisipiu Covalima”. Sita média PNTL, Covalima, 06/10/2025

Aktividade transaksaun sigaru ilegal ne’e, deskonfia envolve ema barak iha laran, hafoin Pesoal Polisia ida hetan, sira tenta ataka ho arma branka hodi tá Pesoal Polisia, tanba ne’e Pesoal Polisia foti desizaun tiru alargada, ema hirak halai fahe malu husik soe hela evidensia sira iha fatin, tanba sasán sigaru hirak ne’e nain ema sidadaun estranjeiru ida.

Dadaun ne’e ekipa Konjunta asegura ona evidensia ró ketinting tolu, karreta prado ida ho motor ida hamutuk ho sigaru Karton 300 ilegal iha komandu PNTL Munisípiu Covalima hodi buka tuir nain ba sasán sidadaun estranjeiru ne’e hodi submete ba prosesu investigasaun.