𝗠𝗶𝗻𝗼𝗿𝗶𝗱𝗮𝗱𝗲 𝗡𝗮’𝗼𝗸 𝗠𝗼𝘁𝗼𝗿 ! 𝗣𝗡𝗧𝗟 𝗔𝘀𝗲𝗴𝘂𝗿𝗮 𝗦𝘂𝘀𝗽𝗲𝗶𝘁𝘂 𝗡𝗮’𝗶𝗻 𝟯 𝗜𝗵𝗮 𝗖𝗼𝗺𝗼𝗿𝗼

Imajem : Suspeitu naok motor iha Comoro hetan kapturasaun no investigasaun iha Dili, 09/10/2025.

SAP News TL, Dili – Ekipa konjunta kaptura foinsa’e na’in tolu (3) ne’ebé kategoria idade menor tanba deskonfia naok motor iha iha Area Comoro, Aldea 05, Suku Fatuhada, Postu-Administrativu Dom-Aleixo, Munisipiu Dili.

Tuir publikasaun ne’ebé Mídia Sapnews asesu liu hosi página oficial “Serviço Relações Públicas” haktuir katak ekipa konjunta asegura menoridade mane na’in tolu tanba deskonfia involve iha kazu naok motor.

“Hafoin simu informasaun hosi fontes akreditadu, ekipa patrulla Esquadra Dom-Aleixo, hamutuk ho Araña Bravo junta FP (Forsa Polisia), asegura suspeitu menoridade nain 3 ne’ebe komete kazu naok motor”.

“Motor refere ho marka Beat kor pink ho plat S-0476 iha Area Comoro, Aldea 05, Suku Fatuhada, Postu-Administrativu Dom-Aleixo, Munisipiu Dili”. Sita média Serviço Relações Públicas iha Dili, 09/10/2025.

Suspeitu minoridade na’in tolu refere hetan ona investigasaun, hafoin sei submete ba Ministério Público hodi hakat ba prosesu tuir mai.