𝗣𝗠 𝗫𝗮𝗻𝗮𝗻𝗮 𝗥𝗲𝗸𝘂𝗻𝗵𝗲𝘀𝗲 𝗝𝗼𝗿𝗻𝗮𝗹𝗶𝘀𝘁𝗮 𝗥𝗼𝗯𝗲𝗿𝘁 𝗡𝗶𝗮 𝗞𝗼𝗻𝘁𝗿𝗶𝗯𝘂𝗶𝘀𝗮𝘂𝗻 𝗜𝗵𝗮 𝗧𝗲𝗺𝗽𝘂 𝗥𝗲𝘀𝗶𝘀𝘁é𝗻𝘀𝗶𝗮

Imajem : Komandante em Chefe FALINTIL Kay Rala Xanana Gusmão ho jornalista australianu Robert Domm iha 1990. 

SAPNewsTL, Dili – Relasiona ho falesimentu jornalista australianu Robert Domm, ne’ebé mate iha loron 7 Novembru 2025. Primeiru-Ministru Kay Rala Xanana Gusmão, hato’o ninia sentidu kondolénsia ba família.

Primeiru-Ministru Xanana Gusmão espresa sentidu solidariedade ba Domm nia família, no rekoñese kontribuisaun ne’ebé jornalista refere fó ba resisténsia Timor-Leste nian.

“Povu Timor-Leste sente lakon boot ida. Ami sei la haluha kontribuisaun Robert Domm nian iha tempu luta ba independénsia. Nia reportagem hatudu ba mundu kona-ba ita-nia sofrimentu no terus iha tempu okupasaun,” Primeiru-Ministru Xanana Gusmão hatete iha Dili, 08/11/2025

Durante tempu rezisténsia nian, Robert Domm hatudu korajen no determinasaun hodi ajuda hosi rede rezisténsia, tama ba abrigu segredu ba área Aubehun, Leolima, Ainaro, iha Setembru 1990, hodi halo entrevista istórika ho Komandante Xanana Gusmão, ne’ebé iha tempu ne’ebá hanesan Comandante Em Chefe FALINTIL.

Reportagem ne’ebé transmite hosi Australian Broadcasting Corporation (ABC) liuhusi jornalista Sashka Koloff, ho titlu “The interview that changed a nation: 1990 meeting with rebel leader Xanana Gusmão in jungle hideout” (“Entrevista ne’ebé muda nasaun ida: enkontru iha 1990 ho líder rebelde Xanana Gusmão iha subar-fatin ai-laran”), markadu hanesan momentu istóriku importante tebes iha luta Timor-Leste nian.

Impaktu istóriku no legado ne’ebé hela metin to’o agora, Entrevista iha tinan 1990 ne’e hanesan aktu jornalístiku kualidade, ne’ebé :

1. Hakotu blokeiu informasaun ne’ebé Indonézia impón iha Timor-Leste;

2. Hatudu ba mundu violasaun direitus umanus ne’ebé akontese iha tempu okupasaun;

3. Fó lian ba rezisténsia timoroan no nia luta ba autodeterminasaun ; no

4. Inspira solidariedade internasionál ne’ebé hato’o Timor-Leste to’o ba independénsia iha 2002.

Reportagem ne’e rekoñese hanesan “entrevista ne’ebé muda Timor-Leste”, hanesan símbolu resisténsia, solidariedade, no poder jornalizmu iha servisu verdade no liberdade.

Governu no Povu Timor-Leste hato’o homenagem ba memoria Robert Domm, nia servisu jornalístiku kontribui tebes atu ita-nia lian to’o ba mundu tomak.

“Nia legadu sei hela iha istória Timor-Leste, hanesan testemuña kmanek, solidariedade no kompromisu ba verdade,” Primeiru-Ministru Xanana Gusmão hatete.

English Language :

Death of Journalist Robert ! PM Xanana Recognizes His Contribution During Resistance

SAP News, Dili – In connection with the death of Australian journalist Robert Domm, who died on November 7, 2025. Prime Minister Kay Rala Xanana Gusmão, expressed his condolences to the family.

Prime Minister Xanana Gusmão expressed a sense of solidarity to Domm’s family, and recognized the contribution that the journalist made to Timor-Leste’s resistance.

“The people of Timor-Leste feel a great loss. We will never forget Robert Domm’s contribution during the struggle for independence. His report showed the world about our suffering and suffering during the occupation,” Prime Minister Xanana Gusmão said in Dili, 08/11/2025

During the resistance, Robert Domm showed courage and determination to help from the resistance network, entered the secret shelter in the Aubehun area, Leolima, Ainaro, in September 1990, to conduct a historic interview with Commander Xanana Gusmão, who at that time was Commander-in-Chief of the FALINTIL.

The report broadcast by the Australian Broadcasting Corporation (ABC) through journalist Sashka Koloff, entitled “The interview that changed a nation: 1990 meeting with rebel leader Xanana Gusmão in jungle hideout” hiding place in the forest”), marked as a very important historical moment in Timor-Leste’s struggle.

Historical impact and legacy that remains until now, the interview in 1990 is a quality journalistic act, which:

1. End the information blockade imposed by Indonesia in Timor-Leste;

2. Show the world the human rights violations that occurred during the occupation;

3. Give voice to the Timorese resistance and its struggle for self-determination; and

4. Inspire international solidarity that led Timor-Leste to independence in 2002.

The report is recognized as “the interview that changed Timor-Leste”, as a symbol of resistance, solidarity, and the power of journalism in the service of truth and freedom.

The Government and People of Timor-Leste pay tribute to the memory of Robert Domm, whose journalistic work contributed greatly to our voice reaching the whole world.

“His legacy will remain in the history of Timor-Leste, as a beautiful witness, solidarity and commitment to the truth,” Prime Minister Xanana Gusmão said.