OJE 2026 Ba MJ Hamutuk $𝟏𝟒,𝟏𝟐𝟕,𝟏𝟑𝟏 Pasa Iha Faze Espesialidade
Imajem : Vise Ministru Justiça iha PN, 17/11/2025. Foto : Média GPM
SAPNewsTL, Dili : Parlamentu Nasionál (PN) aprova Orsamentu Jerál Estadu (OJE) tinan fiskál 2026 bá Ministériu Justisa (MJ) hamutuk millaun $14,127,131.
Aprovasaun ne’e iha debate no votasaun bá Projetu Proposta Lei (PPL) no.23/VI (3a) kona-bá Orsamentu Jerál Estadu (OJE) tinan fiskál 2026 faze espesialidade loron da-toluk parte lorokraik, segunda (17/11/2025).
OJE 2026 ne’ebé prevee bá MJ ho totál submisaun $14,127,131 fahe bá kategoria Saláriu no Vensimentu $7,707,129, Bens no Servisus Koerrentes $5,604,415, Transferénsias Públikas $350,000 no Kapitál Menór $465,587.
Aprovasaun bá orsamentu ne’e ho votus a favór 42, abstensaun 23 no kontra 0. Ministériu Justisa iha programa ha’at, sub programa 17 no atividade 45.
Debate espesialidade ne’e lidera hosi Prezidente Parlamentu Nasionál, Maria Fernanda Lay, partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevantes.