PN Aprova Osan $6,262,271 Ba MESSK Iha Faze Espesialidade

Imajem : Ministro Ensino Superior Ciência e Cultura (MESSC) José Honório iha PN. Foto : Média-GPM

SAPNewsTL, Dili : Parlamentu Nasional aprova Orsamentu Jerál Estadu (OJE) tinan fiskál 2026 bá Ministériu Ensinu Superiór, Siénsia no Kultura (MESSK) ho totál $6,262,271 ho votus a favór 42, abstensaun 21 no kontra zero iha debate faze espesialidade.

Orsamentu ne’e fahe bá kategoria Saláriu no Vensimentu $3.141.797, Bens no Servisu Koerrentes $1.390.474, Transferénsia Públika $1.500.000, Kapitál Dezenvolvimentu $80.000 no Kapitál Menór $150.000. MESSK iha programa rua, sub programa lima no atividade hamutuk 24.

Programa rua ne’e mak hanesan, Programa 510: Funsionamentu no Dezenvolvimentu Institusionál ho Programa 524: Ensinu Superiór.

Debate espesialidade ne’e lidera hosi Prezidente Parlamentu Nasionál, Maria Fernanda Lay no partisipa hosi Primeiru-Ministru (PM), Kay Rala Xanana Gusmão, membru Governu sira inklui entidade relevante seluk.

Proposta Lei OJE 2026 Billiaun $2.214.689,195 ho kategoria Saláriu no Vensimentu $476.870.249, Bens no Servisu Korrente $447.904.446, Transferénsia Públika $820.710.160, Kapitál Menór $32.556.96 no Kapitál Dezenvolvimentu $436.647.379.