Presidente Trump : Cristiano, “Oan Mane Nia Fanátiku”.

Imajem : Presidente EUA Donald Trump no Cristiano Ronaldo iha White House América, 19/11/2025. Foto : A Bola

SAPNewsTL, América : Jogador Legendáriu, Cristiano Ronaldo hetan konvite ba jantar gala ida ba prínsipe saudita, Presidente EUA Donald Trump fo agradese ba Cristiano Ronaldo ninia presença.

Marciana da Conceição – SAPNewsTL

Prezidente Estadus Unidus nian, Donald Trump, oferese ba prínsipe-erdeiru Arábia Saudita nian, Mohammed bin Salman, Cristiano Ronaldo sai hanesan konvidadu ida iha gala dinner refere.

Iha diskursu, Donald Trump konsidera Ronaldo hanesan líder boot ba negosiu desportu mundial no nia oan mane fanátiku tebes ba Cristiano Ronaldo.

“Lider boot ba negosiu deportu mundial, Ha’u nia oan-mane fanátiku boot ba Cristiano Ronaldo”, Hateten Presidente Estados Unidos América (EUA) Donald J. Trump iha América, 19/11/2025. Sita The White House.

Donald Trump hatutan, “Hein katak nia-oan sei kontente tanba ohin Cristiano Ronaldo ho ita iha ne’e”.

Prezidente Donald Trump fo agradese ba Cristiano Ronaldo no sente onradu ba Ronaldo nia presença iha Uma Mutin Amerika.

“Obrigadu ba Cristiano Ronaldo tanba mai iha White House, ne’e onra ida ba ita-boot iha ne’e”. Nia dehan

Kapitaun hosi Selesaun Nasionál no jogadór hosi Al Nassr hasai fotografia ho milionáriu sira hanesan Elon Musk na’in ba Tesla, no Presidente FIFA, Gianni Infantino ho nia noiva, Georgina Rodriguez.

Iha foto ne’e mós iha Sekretáriu Komérsiu Estadus Unidus Howard Lutnick no Prezidente Konsellu Konsultivu Estadus Unidus ba Siénsia no Teknolojia David O. Sacks iha White House.