Fasilita Povu Asesu Informasaun Laís, SEKOMS Estabelese Sentru Informasaun Suku Bidau Santana
Imagen : Sekretariu Estadu Komunikasaun Sosial Expedito Loro Dias Ximenes
SAPNewsTL,Díli : IX governu konstitusionál liu husi Sekretario Estado komunicação Social (SECOMS), halo lansamentu ba plataforma website iha suku Bidaun Santana, Postu Administrativu Kristu Rei.
Sekretário Estado Komunikasaun Sosiál (SECOMS), Expedito Loro Dias hateten, IX governu konstitusionál iha nia programa kona-ba komunidade sosial, ne’ebe tau matan ba dezenvolvimentu suku, nune’e halo lansamentu ba website ne’ebe ho programa ida kona-ba sentru Informasaun suku.
“Objetivu husi programa suku digital ka sentru informasaun suku mak ita hakarak informasaun sira iha suku ida komunidade sira bele asesu iha uma no iha ne’ebe deit tamba ne’e mak IX governu hanoin katak importante tebes hodi implemanta programa sentru informasaun suku ne’e,”
“IX governu konstitusionál nia programa ida mak sentru informasaun ba suku ne’ebe mak modifika VIII governu nia programa ne’ebe fahe ekipamentu ba suku sira, mai iha IX governu nian, ami hakarak suku sira sai hanesan sentru ba informasaun tamba ne’e mak laos iha suku Bidau Santana maibe iha suku sira seluk ne’ebe ami haleu sei implemanta programa ne’ebe mak hanesan”.Dehan Sekretário Estado komunikasaun Sosiál (SECOMS), Expedito Loro Dias, iha sede Suku Bidau Santana, Sabadu,29/11/2025.
SECOMS informa programa sentru I
Informasaun suku, foin primeira ves realiza iha munisípiu Dili no hahu husi suku Markarinas no ohin iha suku Bidau Santana no semana oin sei halo lansamentu iha suku kampu Alor no suku iha Dili laran ho objetivu komunidade sira bele asesu informasaun ho lais iha suku.
Nia salienta iha era digital, ema moris iha era ida ne’ebe labele hela iha kotuk, nune’e governu ho hanoin ida implemanta programa sentru informasaun suku, nune’e komunidade sira bele akompanha informasaun no dezenvolvimentu ne’ebe halo hela iha suku laran liu husi telemovel.
“Avansu teknolojia ne’ebe mak iha governu ho hanoin ida katak presija digitaliza suku hodi hato’o informasaun sira, tamba ne’e mak lansamentu digitaliza suku ka sentru Informasaun suku ne’e objetivu atu suku ida ne’e bele akompanha informasaun liu husi telemovel”.
Xefe Suku Bidau Santana Alexandrino Mesquita da Costa fo agradese ba Sektretariu Estadu Komunikasaun Sosial tanba bele fasilita no estabelese sentru informasaun suku Bidau Santana
“Agradese tebes tanba iha loron rua Sekretariu Estadu Komunikasaun Sosial orienta hela ekipa formador bele mai fasilita formasaun ba iha ekipa autoridade suku iha Bidau santana hamutuk na’in 15 no kria sentru informasaun suku”.
Xefe suku akresenta katak formasaun loron rua ne’e limitadu tebes tanba ne’e prezisa aumenta formasaun ne’e ba semana ida ka rua, nune’e bele komprende diak liu tan oinsa hakerek notisia hodi fo sai ba públiku bele hatene.
“Ami mós iha preokupasaun hanesan Camera atu fasilita ekipa sira halo kobertura iha terenu, ami laiha telefone android, asesu internet ho lais, laiha komputador no laptop ruma ne’ebe atu hafasil servisu iha terenu”. Nia sublinha.
Iha serimónia lansamentu ne’e hetan partisipasaun maksimu hosi autoridade lokal, komunidade no foinsa’e sira.