Maske Fos Balun Aat ! SEPC Deklara Fos Tonelada 365 Prontu Iha Armajen Nasional
Imajem : SEPC Domingos Mariano Reis iha resintu armajen Campung-Baru, 20/01/2025.
SAPNewsTL, Dili: Governu liu husi Sekretariu Estadu Protesaun Civil (SEPC) hasai fos tonelada atus tolu neenulu resin lima (365) ekivale rihun sanulu resin-tolu sakus (13.000 sakus ho pesu 25KG) iha armajen movel Campung-Baru hodi responde ba dezastre natural iha territóriu nasionál.
“Ohin halo vizita supreza mai armajen movel iha Campung-Baru hodi haree direta pakote stock hahan no la’os ai-han ne’ebe deskarrega hela iha armangen movel, ita-nia fos hirak ne’e tau iha tinan 2024”, Dehan SEPC Domingos Mariano Reis ba jornalista sira iha resintu armajen Campung-Baru, 20/01/2025.
Governante ne’e informa stock ai-han no la’os ai-han iha armajen nasionál sufisiente hodi hatan dezastre natural.
“Vizita supreza ne’e hodi haree direta stock ai-han no laos ai-han iha armajen maibe stock sufisiente hodi responde ba kalamidade natural ne’ebe akontese iha territóriu nasional”.nia sublinha
Sektetariu Estadu ne’e akresenta kada fulan tolu autoridade protesaun sivil sempre deskarega pakote ai-han no laos ai-han ba munisípiu sira hodi responde imediata ba vitima kada estrofe natural sira.
“Ai-han ne’ebe iha armagen hetan apoiu husi Programa Mundial Ai-han (WFP sigla Inglés) ne’ebe nu’udar parseiru espesial protesaun sivil nian no sempre apoiu iha kualker tempu bainhira akontese dezastre”.
Entretantu, governu liu husi Sekretariu Estadu Protesaun Civil sei deskarrega fos tonelada 10 ho pakote laos ai-han no la’os ai-han ba Regiaun Administrativa Espesial Oe-cusse Ambeno (RAEOA) hodi responde sedu ba dezastre inklui munisípiu sira ne’ebe haruka ona pedidu mai nasional.
Ligadu ho fos balun ne’ebé aat, Mariano hateten fos hirak ne’e tau iha tinan 2024, iha fos balun ne’ebe laho mak han no bee mak kona maibe stock fos preparadu hodi distribui ba vítima dezastre natural.
“Fos ne’e tau iha tinan 2024, laiha prazu. Iha ki’ik oan balun ne’ebé saku ida ka rua estragus, laho mak han no dala ruma bee mak kona ne’ebe impaktu kiik, ita-nia ai-han prontu atu distribui ba vítima sira”.
Fos iha armajen Campung-Baru hamutuk atus tolu neenulu resin lima (365) tonelada, ekivale rihun sanulu resin-tolu sakus (13.000 sakus ho pesu 25KG) iha armajen movel Campung-Baru.